جڤاتا ئاسایشا ھەرێما کوردستانێ د بەیاننامەکێ دا راگەھاند، گرۆپەکێ ژ یاسایێ دەرکەفتی ب ناڤێ هەیئا تەنسیقی یا موقاوەما ئیراقی، کو ل دەف مە د دیار و ئاشکرانە کا ژ لایێ کێڤە دھێنە پشتەڤانیکرن، د بەیاننامەکێدا کۆمەکا تۆمەتێن بێ بنەما سەرھەلداینە و گەفان ل ھەرێما کوردستانێ دکەن.
جڤاتا ئاسایشێ دیارکریە، ئەڤ گەفە د نوی نینن و ب کریار ژی تا نوکە ل دەڤەرێن جودا یێن ئیراقێ ئەوا د شیانێن وان دا ب فیتکا ھێزێن دەرەکی یا کری و بەرھەمێ وان بۆ ئیراقێ ب تنێ وێرانکاری و تێکدان بوویە.
ئاماژەکریە، ئەم ل ڤێرێ بۆ وان رادگەھینین کو ھەر دەستدرێژییەک بۆ سەر ھەرێما کوردستانێ کو کیانەکێ دەستووری یێ د ناڤ ئیراقێ دایە، دێ باجەکا گران ھەبیت، ئەوان، وانە ژ دیرۆکێ نە وەرگرتییە ئەگەر نە، دا زانن ھێزێن مەزنتر و پڕ چەکتر ژ وان نە شیاینە ئیرادا گەلێ مە دەرباز بکەن.
جڤاتا ئاسایشێ ئاشکرا کریە، ئەڤ گرۆپە ژ یاسایێ د دەرکەفتینە و گەفن بۆ سەر سەروەری و ئاسایشا ئیراقێ و ھەر ئەون دبنە رێخوشکەر بۆ گەشەکرنا تیرۆرستان و ئەڤ گرۆپە مژویلی دروستکرنا فتنێ و تێکدان و وێرانکارییێنە.
جڤاتا ئاسایشێ د بەیانناما خودا دیارکریە، سوپایێ ئیراقێ و ھێزێن پێشمەرگەی مژولی کارێن ھەڤپشکن ل دژی تیرۆرستان و ئەڤ گرۆپێن نە یاسایی ژی مژویلی فتنێ و تێکدان و وێرانکاریێنە.
ل دوماھییێ جڤاتا ئاسایشا ھەرێما کوردستانێ ئاماژە کریە، حکومەتا فیدراڵی بەرپرسە کو سەروەرییا ئیراقێ ب پارێزیت و سنورەکێ بۆ ڤێ سەربەردانێ و دوژمنکارییێ بدانیت،
Comments are closed, but trackbacks and pingbacks are open.