ب سەدەمێ تەقینا بۆمبەکا چاندی ل ناڤەڕاستا باژێرەکی ل مالی ١١ کەس هاتنە کوشتن و ٥٣ کەسێن دی ژی برینداربوون و ژێدەرەکێ ئەولەهیێ ژی دبێژیت، “ئەو بۆمبە ب پاسەکێ ڤە هاتبوو گرێدان.”
ژیدەرەکێ ئەولەهیێ بۆ ئاژانسا نووچەیا فرانس پرێس راگەهاند، ب سەدەمێ تەقینا بۆمبەکا چاندری کو ب پاسەکێ ڤە هاتبوو گرێدان لسەر رێکا دناڤبەرا باژێرێ باندیاگارا و گۆنداکا ١١ کەسان ژیاناخۆ ژ دەستدان و ٥٣ کەسێن دی ژی برینداربوون.
ژ ئالیەکێ دی موسا حسێنی ئەندامێ کۆمەلەیا باندیاگارا ناڤخۆییا گەنجان ئاماژە ب وێ دا، نەھ تەرمێن کوشتیێن وێ تەقینێ بۆ نەخۆشاخانێ ڤەگوهاستینە و بزاڤێن وان ژی بۆ کۆنتڕۆلکرنا رەوشێ هێشتا بەردەوامن.
هەڤدەم، ژێدەرەکێ کەرتێ ساخلەمیێ گۆت، ب سەدەمێ وێ تەقینێ ٥٣ کەس برینداربوونە و ٤٧ کەس ژ وان برینداران گەهاندینە نەخۆشخانێ.
ئەڤەژی پشتی وێ دهێت، دەمێ چەندین سالن ولاتێ مالی ڕاستی چەندین تەقینێن جودا دبن و وەسا ل سەدان هزار کەسێن وی ولاتی کریە ژ پێخەمەت پاراستنا ژیاناخۆ بەرەڤ ولاتێن دی کۆچ بکەن.
Comments are closed, but trackbacks and pingbacks are open.