ب ناڤەندگێریا روسیا ئاگربەستا باژارێ قامشلو چوو د بیاڤێ جێبەجێکرنێ دا

زێ بادینان باد

ب ناڤەندگێریا روسیا ئاگربەستا باژارێ قامشلو چوو د بیاڤێ جێبەجێکرنێ دا   

ب ناڤەندگێریا هێزێن روسیا و سەرکردایەتیا هێزێن سوریا دیموکرات، ئاگربەستا دناڤبەرا هێزێن ئاسایشا رۆژئاڤایێ کوردستانێ و گرۆپێن چەکداریێن سەر ب حکومەتا سوریا ڤە ل باژارێ قامشلو چوویە دبیاڤێ جێبەجێکرنێ دا.

http://You Tobe. zebadinan
ل گۆر گوتنا میدیایێن روسیا، پشتی دەستێوەردانا هێزێن سوریا و سەرکردەیێن هێزێن سوریا دیموکرات، شیانە وێ رووبرووبونێ ڕابگرن کو بۆ دەما چار رۆژانە ل باژاری برێڤەدچیت.ئەو پێنگاڤە د دەمەکی دایە، پشتی وێیەکێ کو دوهی ئێڤاری هەردوو ئالی لسەر ناڤەندگێریێ رازیبووین و ئەڤرۆژی چوو د بیاڤێ جێبەجێکرنێ دا.میدیایێن روسیا ژ زارێ چەند ژێدەرێن هایدار د گوتوبێژێ دا بەلاڤکرنە، سەرکردەیێن هێزێن ئاسایشا نافخۆ دگەل یەکەیێن (بەرڤانیکرنا نشتیمانی) کو سەر ب حکومەتا دیمەشقێ نە، لهەڤهاتن لسەر ئاگربەستێ کو ل دەمژمێر شەشی ئێڤارا ئەینیێ هەیا 10ی سپێدا ئەڤرۆ دێ چیتە دبیاڤێ جێبەجێکرنێ دا.ل گۆرەی لهەڤهاتنێ، ئاگربەستا تەمام دێ ل باژارێ قامشلو هێتە ڕاگەهاندن و هەمی دیاردا چەکداری ل وی باژاری بداوی دهێت و ژیان ئاسای دبیت، هەروەسا هێزێن روسیا دێ ل چەند دەڤەرێن وی باژاری دا مینن و بەشەک ژ وانا ژی هاتن و چوونێ دێ کەن دناڤا جادەیێن وی باژاری دا.بۆ دەما چار رۆژانە باژارێ قامشلویا سەر ب پارێزگەها حەسەکێ ل رۆژئاڤایێ کوردستانێ، پێکدادانا چەکداری دناڤبەرا هێزێن ئاسایش و هێزێن بەرەڤانیا نشتیمانی یێن وی باژاری دا بەردەوامە.