گەنجەکێ عێراقێ بۆ وەرگرتنا چارەسەریێ دچیتە سوریا، لێ ژبەر ٣٠٠ دۆلاران ل باژێرێ دیمەشقێ ژ ئالیێ چەند کەسانڤە دهێتە کوشتن.
مازن رازی خەلکێ باژێرێ ئەنبار ل رۆژئاڤایێ عێراقێ، بەریا چەند رۆژان ب مەرەما وەرگرتنا چارەسەریێ بۆ ئانیشک و دانانا ددانان، سەرەدانا وەلاتێ سوریا کربوو، مازن پشتی وێیەکێ هزار دۆلار بۆ مەرەما چارەسەریێ مەزاختین و ل دەما ڤەگەریانێ بۆ شوقا خۆ ل دیمەشقێ، چەند کەسان هێرشی وی کریە.
ئەحمەد تائی خالێ مازن رازیە، بۆ میدیایێن عێراقێ ڕاگەهاندیە، ل داوی رۆژدا بەریا مازن ڤەگەریتە عێراقێ، ژ ئالیی چەند کەسانڤە هێرشکرنە سەر و ٢٥ چەقۆ لێ دانە. گوت ژی، “ئەو بوویەرە تاوانەکا ڤەشارتی یە و پێتڤیە دەستهەلاتدارێن سوریا زەلالبکەن”.
دەربارەی ڤەگەراندنا تەرمێ وی کو پێتڤی ب ٧٠٠ دۆلارانە دبێژیت، “داخازا هاریکاریێ کرنە ژبەرکو ئەڤە بارگرانیەکا دییە دکەڤیتە سەر ملێ مە”.
ئاشکراژی کریە، بالیۆزخانەیا عێراقێ ل سوریا بۆ وان ڕاگەهاندیە کو تەرمێ مازنی ب پارچەکری هاتیە دیتن، وەسا دیارە ژ ئالیێ مافیانڤە هاتیە کوشتن.
ئەڤە د دەمەکی دایە، خەلکێ باژێرێ ئەنبار بمەرەما وەرگرتنا چارەسەریا ئانیشک و دەڤ و ددانێن خۆ و ژبەر کێمیا تێچوونێ سەرەدانا وەلاتێ سوریا دکەن.
مازن خەلکێ باژێرێ ئەنبارە ل رۆژئاڤایێ عێراقێ، بەریا چەند رۆژان ب مەرەما وەرگرتنا چارەسەریا ئانیشک و دانانا ددانان، سەرەدانا وەلاتێ سوریا کربوو.
Comments are closed, but trackbacks and pingbacks are open.