ئەڤرۆ ڕێکەڤتی 1ی خزیرانا 2022 گوهدار شێخۆ سەرپەرشتێ ئیدارا سەربەخۆ یا زاخۆ، سەرەدانا ناحییا دەرکارێ کر.
لسەر ڕاسپاردا ڕێزدار جەنابێ مسرور بارزانی سەرۆکێ حکومەتا هەرێما کوردستانێ، و بەرژەوەندییا گشتییا خەلکێ دەڤەرێ و ناحییا دەرکارێ ،رازەمەندییا چەندین پرۆژێن خزمەتگوزاری لسەر بودجا گەشەپێدانا هەرێمێ، ب گوژمێ ( 4.650.000.000 ) چوار ملیار و شەش سەد و پێنجی ملیۆن دیناران هاتە دان.
پرۆژێ چێکرنا ڕێکێن ناڤخۆ ب فرەهییا (12مەتر و 15 مەتر و 20 مەتر ) دگەل سۆلینێن ئاڤرێژ ل سنۆرێ باژێرڤانییا دەرکارێ و هەروەسا چێکرنا ڕێکێن ناڤخۆیێن کۆمەلگەها بیرسڤێ و سۆلین و ئاڤرێژێن وێ،ب گۆژمێ (600.000.000) ملیۆن دیناران، چێکرنا ژۆرا پەمپان دگەل دابینکرنا پەمپا ژ بۆ پرۆژێ ئاڤا ( هیزاوا – دەرکار ) ب گۆژمێ ( 100.000.000 ) ملیۆن دیناران، و هەروەسا سەخبیرکرنا ڕێکا گوندێن بەرزیر و شەرانش تا دەشتەتەخ و سەخبیرکرنا ڕێکا گوندێ ئیسف ئاغا و گوندک ئەیوب و سنداڤا ب گوژمێ ( 700.000.000) ملیۆن دیناران و نووژەنکرنا سیلاڤا شەنرانش و شکەفتا بهێرێ ب گۆژمێ ( 200.000.000) ملیۆن دیناران.
و هەروەسا رازەمەندی لسەر گۆژمێ(3.50.000.000) سێ ملیار و پێنجی ملیۆن دیناران هاتە دان بۆ چێکرنا نەخوەشخانەیەکی ژ جورێ Class A و جوود سایدێ سەرەکیێ ناڤخۆ یا دەرکارێ.
شێخۆ، د کۆمبوونەکێدا د گەل لایەنێن پەیوەندیداردا ل سنۆرێ ناحییا دەرکارێ دا دیارکر، کو پێشکێشکرنا خزمەتگوزارییان ل هەر دەڤەرەکێ ل کوردستانێ ئەرک و مافە و نەخاسمە ل ناحییا دەرکارێ، لەورا ل ئایندەیی ژی یا پێدڤی بکت لسنۆرێ ناحییا دەرکارێ دێ هاریکاربین و خزمەتگوزارییان جێبەجێکین د هەموو وارەکێدا.
گووتژی، ئەو پرۆژێن ل ژێر ئەنجامدانێ ل سنۆرێ ناحییا دەرکارێ، کو ژ بودجا ئیدارا سەربەخۆ یە، ب گۆژمێ ( 1.075.430.000) ملیار دینارایە، کو ژ وانا زێدەکرنا ٥ پێنج پۆلان دگەل هولەکێ ل قوتابخانا هەست ل هیزاوا ب گۆژمێ ( 141.430.000) ملیۆن دیناران و تەمامکرنا ئاڤاکرنا قوتابخانەکا ١٨ رێزی ل دەرکارێ-هیزاوا ب گۆژمێ (788.000.000) ملیۆن دیناران و کولانا بیرەکا ئیرتیوازی ل گوندێ بوسەلێ ب گۆژمێ (46.000.000) ملیۆن دیناران و زێدەباری نووژەنکرنا هولا بیرەوەرییان ل ناحییا دەرکارێ ب گۆژمێ(83.000.000) ملیۆن دیناران.
ڕاگەهاندنا
ئیدارا سەربەخۆ یا زاخۆ
پامنێرێ زێ بادینان
سەلاح سندی /زاخو
١ی خزیرانا ٢٠٢٢
Comments are closed, but trackbacks and pingbacks are open.