هێزێن رێڤه‌به‌رییا رووبرووبوونا ماددێن هۆشبه‌ر ل عیراقێ ده‌ست ب سه‌ر تابلۆیه‌كى دا گرت كۆ دهێته گۆتن یێ هۆنه‌رمه‌ندێ شێوه‌كار یێ ئسپانى بابلۆ بیكاسۆیه.
ل رۆژا 13ى ئابا 2022ێ عه‌قید بیلال سوبحى، به‌رپرسێ راگه‌هاندنێ ل رێڤه‌به‌رییا رووبرووبوونا ماددێن هۆشبه‌ر یا وه‌زاره‌تا نافخۆ یا عیراقێ راگه‌هاند، هێزێن وان ل پارێزگه‌ها دیاله بانده‌كێ بازرگانییا ماددێن هۆشبه‌ر ده‌سته‌سه‌ركرییه و تابلۆیه‌كێ بابلۆ بیكاسۆى ل ده‌ڤ وان هاته‌دیتن.
دیار ژى كر، پشتى ڤه‌كۆلینان دیاربوویه كۆ ئه‌و تابلۆیه یێ درۆسته و بهایێ وى ب 300 ملیۆن دۆلاران دهێته مه‌زنده‌كرن، و ل دویڤ زانیارییێن ده‌ستپێكى ئه‌و تابلۆ ژ كوێتێ هاتییه ڤه‌گۆهاستن بۆ عیراقێ و بازرگانێن ماددێن هۆشبه‌ر ڤیایه ب قاچاخى ببه‌نه ده‌رڤه‌ى عیراقێ.
ل سالا 2012ێ، موزه‌خانا نه‌ته‌وه‌ى یا ئه‌سینا راگه‌هاند، تابلۆیه‌كێ شێوه‌كارێ ئسپانى بابلۆ بیكاسۆى كۆ ل سالا 1949ێ وه‌ك دیارى دایه یۆنانێ هاته دزین، ناڤێ وى تابلۆى ( سه‌رێ ئافره‌تێ ) یه و ل سالا 1039ێ هاتییه كێشان.
Comments are closed, but trackbacks and pingbacks are open.