سەدبلندبوونا ئامارا تووشبوویان و مریان ب پەژیا کۆرۆنایێ ، لیژنا بلندا بەرھنگاربوونا کۆرۆنایێ ل ھەرێمێ بڕیار دا دەرگەھێن خواندنگەھان ب داخستی بمینن و خواندن ب ئاوایێ ئەلیکترۆنی بیت ، ئێکەتیا مامۆستایێن کوردستانێ ژی پشتەڤانیا خواندنا ئەلکترۆنی دکەت.
ئەحمەد سابر گەرمیانی سەرۆکێ ئێکەتیا مامۆستایێن کوردستانێ د داخۆیانیەکێ دا گووت : ژبەر کو نھا مە چ ڕێ چارەیێن دی نینن ، نەچارین پشتەڤانیا دەستپێکرنا پرۆسا خواندنێ ب ئاوایێ ئەلکترۆنی بکەین، لێ بێ گومان پێدڤی یە خواندن ب وی ئاوایی دەمکی بیت ھەتا کو ڕەوشا پەژیا کۆرۆنایێ ئاسایی ببیت.
سەرۆکێ ئێکەتیا مامۆستایێن کوردستانێ تەکەز دکەت ، کو خواندنا ئەلکترۆنی باشترە ژ ھندێ کو خویندکار ژ پرۆسا خواندنێ وانان دویر بکەڤن، و وەزارەتا پەروەردێ ژی ھاریکار و پشتەڤانە.
گەرمیانی گووت ژی ب ھەر ئاوایەکی بیت ، پێدڤی یە خواندن یا بەردەوام بیت و داخواز ژ سەمیانێن خویندکاران دکەین ئەوێن کو خویندکارێن پۆلێن ١ و ٢ و ٣ یێن بنەڕەتی ھەین ھاریکار بن و پشکدار بن د فێرکرنا خویندکاران دا.
سەبارەت شێوازێ تاقیکرنان ژی ناڤبری دبێژیت : خواندنا ئەلکترۆنی دێ یا دەمکی بیت و تاقیکرن دێ ب ئاوایێ راستەوخۆ و ل ناڤەندێن خواندنێ برێڤەچن.
Comments are closed, but trackbacks and pingbacks are open.