ئەو تاوانبارێ ل ڕۆژا دووشەمبی ژلایێ پۆلیسێن هەولێر ڤە هاتییە دەستەسەركرن و دهێتە گوتن زێدەتر ژ 26 ملیۆن دولارێن وەڵاتیان بناڤێ كۆمپانییا (ئەستێرەی گەل) ب سەختە برینە، ل پێشی نوكە دووجاران ل ساڵا 2012 و 2017 ل سەر سەختەكاری و فێلبازیێ هاتبوو گرتن، و دڤێ كریارا خۆدا نەتنێ پارێ خەلكێ ئاسایی، بەلكو ب سەدان هزار دولارێن مەزنە بەرپرسان ژی برینە.
ل گورەی دانپێدانێن تاوانبار (أ . أ . م) كو خودانێ كۆمپانییا (ئەستێرەی گەل)ە، و زانیاریێن ل سەر وێ كریارێ ئاشكرا بوویین، تاوانباری بسەدان هزار دولارێن مەزنە بەرپرسێن حكومی و حزبی و سەربازی و پەڕلەمانتاران ژی برینە، موقەدم هۆگر عەزیز، پەیڤدارێ بناڤێ ڕێڤەبەرییا پۆلیسێن هەولێر دبێژیت: ل دەستپێكێ تاوانباری باوەری بۆ وی خەلكی دروست كرییە، هەر كەسێ پارە داینێ، هەیڤانە ڕێژەكا قازانجی بۆ زڤڕاندییە، هەتا پیلانا وی سەرگرتی و خەلكەكێ زۆر پارە دایێ، ئێدی خۆ بەرزە كر.
موقەدم هۆگر دبێژیت تنێ دساڵا 2021 دا، شەش هزار و 787 سكاڵایێن فێلكرنێ ل ڕێڤەبەریێن پۆلیسان دسنوورێ پارێزگەها هەولێردا هاتبوونە تۆماركرن، و دئەڤ ساڵەدا هەتا ناڤەڕاستا هەیڤا نیسانێ هزار و 600 سكاڵایێن ژ وی جوری هاتینە تۆماركرن.
Comments are closed, but trackbacks and pingbacks are open.