تەوەرێ ئاینی:
١ــ ئیسلام دینێ تەوحیدێیە، باوەریئینان ب هەبوونا ئافراندەرەكێ ئێكانە بۆ جیهانێ ڕاستییەكە هەمی ئەقلێن هزركەر قەناعەتێ پێ دئینن و ئەڤ ئافراندەرە ئەو خودایە یێ ب تنێ ژ هەژی بۆ پەرستنێ وەكی ڤەكوشتنا حەیوانان و دانا نەزران و نەخاسمە دوعا كرن، ژ بەر گۆتنا پێغەمبەریﷺ (الدعاء هو العبادة) ڕامان: هندیكە دوعایە هەما ئەوە عیبادەت. [رواه الترمذی وصححه الألبانی ٣٢٤٥].
ڤێجا نەیا دورستە مرۆڤ تشتەكی بدەتە غەیری خودێ ژ دوعایان و عیبادەتان.
٢- ئیسلام كۆمكرنێ دكەت و ژێكڤەبوونێ ناكەت: چونكی ئیسلام باوەرییێ ب هەمی بپێغەمبەران دئینیت ئەوێن خودێ بۆ مرۆڤان ڤڕێ كرین و ڕێكئێخستنا ژیانا وانان و (موحەمەد) پێغەمبەریﷺ دووماهی پێغەمبەرە و شەریعەتێ وی شەریعەتێ هەمی پێغەمبەرێن بەری خۆ یێ ڕاكری، خودێ ئەو یێ ڤڕێ كری بۆ مرۆڤان هەمییا دا وان ڕزگار بكەت ژ زۆردارییا دیانەتا ئەوێن ڕێلادایی بۆ دادپەروەرییا ئیسلامێ یا پاراستی.
٣- فێربوونێن ئیسلامێ ب ساناهینه و د ئاشكەرانە و تێگەهشتینە، ئیسلام ل سەر خۆرافاتان و بیروباوەرێن خەلەت و فەلسەفێن ئالۆز ڕازی نابیت و ئیسلام یا دورستە بۆ هەمی زەمان و جهان.
٤- ئیسلام ناڤبەینا مادییەتێ و ڕوحێ ب تەمامی ژێكڤە ناكەت، چونكی سەح دكەتە ژیانێ ل سەر بناغێ هندێ كو هەردویان ب خۆڤه دگریت، ڤێجا ناچێ بیت ئێك بهێتە وەرگرتن و ئێك بهێتە پشتگوههاڤێتن.
٥- ئیسلامێ یا تەئكید كری ڕوحا یەكسانییێ و برایینییێ د ناڤبەینا موسلماناندا، چونكی ئیسلام ژێكڤەبوونێن دەمارگری خەلەت ددانیت و د قورئانا پیرۆزدا یا هاتی: (إِنَّ أَكْرَمَكُمْ عِندَ اللَّهِ أَتْقَاكُمْ) [الحجرات: ١٣]
ڕامان: یێ ژ خرا باشتر ژ هەوە ل دەڤ خودێ ئەوە یێ ژ خرەكا پتر ژ خودێ ترسیت.
٦- د ئيسلامێدا چو دەستهەلات د دەستێ كەسێدا نینن دیانەت بەس ل دەڤ وانان بیت و چو هزرێن هشك مرۆڤ نەشێت باوەرییێ پێ بینیت و هەر مرۆڤەك دشێت قورئانا پیرۆز بخوینیت و فەرموودێن پێغەمبەریﷺ ل دووڤ تێگەهشتنا بەراهییێن مە یێن قەنج یێن ڤێ ئومەتێ.
Comments are closed, but trackbacks and pingbacks are open.