ترسا هێرشا سوپایێ تورکیا ل دەڤەرێن رۆژئاڤایێ کوردستانێ زێدە بووینە و ژێدەران رەت کر کو ڤەلڤینەکا مەزن یا ئاوارەبوونێ ل وان دەڤەران هەبیت.
روانگەها سووری یا مافێن مرۆڤی راگەهاند؛ ئەڤرۆ سپێدێ سوپایێ تورکیا و گرۆپێن چەکدار یێن سەر ب تورکیا ڤە مزگەفتەکا گوندێ ئەلجات ل مەنبج تۆپباران کریە و دوهی ژی گوندێ تەل تورین ل مەنبج و گوندێن دەبس و هوشان ل رەقە تۆپباران کرینە.
روانگەها سووری ژ ژێدەران دوپات کر کو چ راستی بۆ ڤەلڤینەکا ئاوارەبوونێ ل مەنبجێ نینە و خەلک ل مالێن خۆ مایە، لێ ترسەکا مەزن د ناڤا خەلکی دا پەیدا بوویە ژبەر هێرشا چاڤەرێکری یا تورکیا.
پێشتر رەجەب تەیب ئەردۆغان، سەرۆککۆمارێ تورکیا چەندین جاران گەفێن هێرشا سەربازی ل باکرۆێ رۆژهەلاتێ سووریێ، تایبەت ل مەنبج تەل رەفعەت کرینە و دوهی رۆژنامەیا حوریەت یا تورکی راگەهاند کو د ڤێ حەفتیێ دا تورکیا دێ هێرشێ دەستپێکەت.
Comments are closed, but trackbacks and pingbacks are open.