گرووپێن چەکدارێن ئۆپۆزیسیۆنا سووریێ یێن ترکیە پشتەڤانییا وان دکەت، ب تۆپان ئێریشی ھندەک گوندێن باژارۆکێ تل تەمرێ یا ل پارێزگەھا حەسەکێ دکەن.
ل گۆری چاڤکانیێن خوەجھی، ئیرۆ رۆژا یەکشەمبێ ٢٤/١٠/٢٠٢١ێ دانێ سبێ، گرووپێن چەکداران، گوندێن تەل شەنان و دەردارا یێن سەر ب تل تەمرێ ڤە تۆپباران کرن.
ل گۆر زانیارییان، گوندێن تەل شەنان و دەردارا د بن کۆنترۆلا ھێزێن سووریەیا دەمۆکراتیک ھەسەدێ دا نە و ھەتا نھا دەنگێ چەک و تەقەمەنییان تێ بھیستن.
ژ ئالیێ دن ڤە ھاتە راگەھاندن، ل باکورێ حەلەبێ د ناڤبەرا گرووپێن چەکدارێن گرێدایی ترکیێ و یەپەگێ دا شەر و پەڤچوون روو ددەن و گرووپێن چەکداران دو گوندێن ھەرێمێ بۆمبەباران کرن.
Comments are closed, but trackbacks and pingbacks are open.