توركیا بۆ جارا 20ێ گوندێن مژێ و سپیندارێ بۆمبه‌باران كرن
زێ بادینان
وەلاتیەکێ دەڤەرێ بۆ ” زێ بادینان ” ئاشکرا کریە کۆ فرۆکێن شەرکەرێن تورکیا ئەڤرۆ دەمژمێر 1 و نیڤ چار جاران گوندێ مژێ ل دەڤەرا بەرێگارێ ل سنورێ ناحیا دێرەلوکێ تۆپبارانکر و ئاگر ب ئاقاری گوندێ مژێ و سپیندارێ کەفتیە .
ئەڤ بۆمبەبارانە کێمتری 1km نێزیکی گوندی بوویە و ترس و دودلیەکا مەزن بو خەلکێ گوندێ مژێ پەیداکرییە.
گوندێ مژێ دکەڤیتە سەر ب ناحیا دێرەلوکێ ڤە و نێزیکی 20 مالان تێدا هه‌نه، ب به‌هانه‌یا هەبوونا بنگەهـ وبارەگایێن گەریلایێن پارتییا كاركه‌رێن کوردستانێ بەردەوام فرۆکەیێن تورکیا سنورێ قەزا ئامێدیێ بۆمبەباران دکەن.
دهێتە زانین ژی کو خەلک مایە ئاسێ د گوندی دا و هەیا نها نەهاتنە ڤە و بوردومان ژی ل وی جهی بەردەوامن و نە گوند و ئاقار و چ بومە نەمایە داخاز کەین پەکەکە ڤی جهی بهین و تورکیا ژی بوردومانین خو راوەستینن ل دەڤەرێ .
Comments are closed, but trackbacks and pingbacks are open.