توركیا بەردەوامە ل سەر بكارئینانا ئاڤێ وەكو چەكەك بۆ بیابانكرنا عیراقێ و ئەگەر ڕەوش بڤی شێوەی بەردەوام بیت، ل ئایندەكێ نێزیك وەڵاتێ دناڤبەرا دوو ڕووباراندا دێ بیتە بیابان و ژیان تێدا نامینیت.
سامر موخیف جبوری، سەرۆكێ لیژنا ژێدەرێن ئاڤێ دجڤاتا نوونەرێن عیراقێدا هۆشداری دا، كو توركیا دەست ب دورستكرنا بەنداڤا (جەزیرە) كرییە، كو بەنداڤەكا ئاڤێدێرییە و ئەگەر كار ل سەر وێ بەنداڤێ بدووماهی هات و دەست ب پەنگاندنا ئاڤێ هاتەكرن، دێ ڕووبارێ دیجلە بتمامی هشك بیت، و سامر موخیف گوت: بكارئینانا كارتا ڕاگرتنا بازرگانیێ دگەل توركیا هیچ كاریگەری نەبووییە، بەروڤاژی وێ چەندێ بەهانەك دا دەستێ حكومەتا ئەنقەرە زێدەتر فشارێ بكەت و بەنداڤێن زێدەتر دورست بكەت، لەوڕا پێدڤییە حكومەتا بەغدا پەنایێ ببەتە بەر یاسایێن نێڤدەولەتی و ڕێكێ نەدەت بەنداڤا (جەزیرە) بهیتە ئاڤاكرن، ئەگەر نە.. دێ عیراق بیتە بیابان و ئێدی بكێر ژیانێ ناهێتە.
Comments are closed, but trackbacks and pingbacks are open.