ئاژانسا خانی:
ئەڤرۆ سپێدێ دیمەنێن هەبوونا جاددەیەکا سەربازی یا ترۆمبێلێ ل سەرێ مام رەشان ل چیایێ کورەژار ل هنداف شێلادزێ هاتە دیتن.
عەلی رێکانی، فوتوگرافەر کو دیمەنێن جاددێ گرتنە و بۆ ئاژانسا خانی هنارتینە، گۆت، ئەڤرۆ سپێدێ دیمەنێن تشتەکێ سەیر ل هنداڤ کومەلگەها سیریێ یا سەر ب ناحیا شێلادزێ ل گوپیتکا مام رەشان ل چیایێ کورەژار هاتە دیتن، پشتی من ب کامیرێ نێزیک کری و وێنە بو گرتی وەسا دیاربوو کو تورکیا جاددەکا نوو یا سەربازی ئینایە چیایی.
زێدەتر گۆت، پێشتر چوو جادە و رێ ل چیایێ کورەژار نەبوون، بەلکو ئەڤە ئێکەمجارە دهێتە دیتن، وەسا دیارە ڤان دوو روژان رێی و جادە گەهشتیە سەرێ چیایی و دەمێن بوری لایدیێ کورەژاری کار دکر.
ناڤبری دیارکر ژی کو ئەڤان دیمەنان خەلک دلگرانکر و گۆت ژی، هەموو گوندێن دەڤەرا رێکان نوکە ل ژێر دەستهەلاتا تورکیا دانە و بارەگا و رێ و جادەێن نوو چێکرینە، ئەڤە ب رامانا هندێ دهێت کو زۆر ب زەحمەت ئەو دەڤەر ئازادبن کو خەلکێ مە بچیتە گوندەوارێن خوە.
شێلادزێ ژ 92 گوندان پێکدهێت، 85 ژ وان گوندان ژ بەر شەر و ئالوزیێن تورکیا و پەکەکێ خەلک نەشێن بچنە سەر گوندەوارێن خوە، دڤان سێ سالێن بوری دا ئیکجاری خەلک ب مەرەما گەشتوگۆزار و گەریان ژی سەرەدانێ بو بکەت.
Comments are closed, but trackbacks and pingbacks are open.