توندوتیژیا دژی ئافره‌تان ژناڤبرنا ژیانێ یه‌

زێ بادینان،زه‌هرا‌ به‌رواری:

سالانه‌ ڕوژا 25-11 هه‌وا 16 ڕوژیا به‌ره‌نگاریا نه‌هێلانا توندوتیژیا دژی خێزان و ئافره‌تان دهێته‌ ڕاگه‌هاندن، لسه‌ر ئاستێ حكومه‌تا هه‌رێما كوردستانێ و رێكخراوێن ئافره‌تان و چالاكڤانێن جڤاكی سڤیل چه‌ندین دروشم دهێنه‌ بلندكرن و چالاكی دهێنه‌ ئه‌نجامدان بۆ ئارامیا خێزانێ و ئافره‌تان، پێدڤیه‌ ژبلی ئه‌و هه‌وا دهێته‌ راگه‌هاندن هه‌موو ده‌ما ئارامی به‌هرا خێزان و جڤاكی بیت نابیت ب چ ره‌نگا ئاسته‌نگ بۆ ئافره‌تێ بهێته‌ دروستكرن ئه‌گه‌ر بڤێت بخوینیت یان كاره‌كێ ئازاد بكه‌ت یان ببیته‌ بازرگان و خودان كار شیانێن ئافره‌تان كێمتر نینه‌ ل شیانێن ره‌گه‌زێ به‌رامبه‌ر ئه‌و جوداهیا ره‌گه‌زیا جڤاك به‌رامبه‌ر ئافره‌تێ دكه‌ت ئارامیا ئافره‌تێ ژناڤبریه‌ وهه‌رده‌ما ئافره‌ت دل ته‌نگ دبیت و توندوتیژی به‌رامبه‌ر دهێته‌ كرن ئه‌و جڤاك ژناڤ دچیت و ژیان تێدا دکەفتە مەترسیێ و نامینیت .

پێدڤیه‌ هه‌می ده‌ما ده‌رفه‌ت بو ئافره‌تا بهێته‌ خۆشكرن نه‌ك توندوتیژی دگه‌ل بهێته‌ كرن ئه‌و جڤاكێن توندوتیژیێ به‌رامبه‌ر ئافره‌تا دكه‌ن نه‌شێن ب ساخله‌می پێش بكه‌ڤن و هه‌می ده‌ما كێماسی تێدا هه‌نه‌ .

ئافره‌ت خودان پێگه‌هه‌كێ ب هێزه‌ دناڤ جڤاكی و شیایه‌ ل هه‌می ده‌ما پێگه‌هێ خو ب هێزڤه‌ نیشان بده‌ت و هاریكار و پشته‌ڤان بیت، ده‌مێ ئافره‌ت دهێته‌ شكاندن ژیان دهێته‌ ژناڤبرن . ئافره‌تا كورد شیایه‌ بگه‌هیته‌ ئاستێن بلند یێن به‌رپرسیاریه‌تیێ و ببیته‌ سه‌ركرده‌ و كاروبارێن خو یێن سیاسی و حكومی ب باشی ب رێڤه‌ببه‌ت .

پێدڤه‌ جڤاك بهێته‌ هشیاركرن كو توندوتیژی دژی ئافره‌تان زیانێ دگه‌هینیتە جڤاكی و ترس و نه‌ئارامیێ دروست دكه‌ت پێدڤیه‌ ماموستایێن ئاینی و چالاكڤان و راگه‌هاندن ب ڕولێ خویێ دروست ڕابن و نه‌هێلن توندوتیژیا دژی ئافره‌تان زێده‌ترببیت و ئارامیێ بو جڤاكی ب زڤرینن ڤه‌ هه‌رده‌ما ل ناڤ جڤاكی ئافره‌ت یا ئارام بو ژیان جوانتر دبیت به‌لێ ده‌ما توندوتیژی به‌رامبه‌ر ئافره‌تێ دهێته‌ كرن خێزان لاواز دبیت و ژیان ژناڤ دچیت.