دوهی رۆژا ئەینی دەزگەھەکێ تایبەت ب کارۆبارێن کۆچبەرێن کوردستانێ راگەھاند، ل حەفتییا بھێت تەرمێن پێنج کۆچبەرێن کورد دێ ژ یونان ھێنە ڤەگەراندن بۆ ھەرێما کوردستانێ.
حسێن حەمە ساڵح، نوونەرێ دەزگەھێ لوتکە یێ تایبەت ب كارۆبارێن پەنابەران ل یۆنان دیارکر، پشتی زێدەتر ژ سێ مەھــ و نیڤان ل سەر روودانا نقوم بوونا کۆچبەران ل دوماھیا سالا بوری ل نێزیک گزیرتا سانتۆرینا یا یونان، تەرمێ پێنج کۆچبەرێن کورد ب چەند قۆناغەکێن جودا ژ لایێ پۆلیسێن دەریایی یێن یونان ڤە ھاتینە دیتن.
ھەروەسا ناڤھاتی راگەھاند، بڕیارە ل دەستپێکا حەفتیا بھێت تەرمێن وان کۆچبەران ڤەگەریننە ھەرێما کوردستانێ.
ئاماژە کریە، ئەو تەرمێن ھاتینە دیتن و دێ بۆ ھەرێمێ ھێنە ڤەگەراندن ب ناڤێن:
جێگر ئەبوبەکر برایم / تەمەن 22 سال.
باریز ناسح / تەمەن 22 سال.
ژاکاو محەمەدئەمین/ تەمەن 23 سال.
سێڤدا فریاد / تەمەن شەش سال.
محەمەد ڕێبوار / تەمەن دوو سال.
دھێتە زانین تا نوکە دوسەیا گشت بێسەروشوینبوویێن رودانێن سالێن پێشتر ڤەکری ماینە و لێگەریان و ڤەگەراندنا وان یا بەردەوامە.
Comments are closed, but trackbacks and pingbacks are open.