ژێدەرەکێ ئەمنی بەلاڤکر، تەقە ل تیما لادانا زێدەگاڤیان یا باژێرڤانیا خانەقین هاتیە کرن.
ئەڤرۆ چارشەمبی، ژێدەرەکێ ئەمنی ڕاگەهاند، کەسەکی تەقە ل تیما لادانا زێدەگاڤیان یا باژێرڤانیێ کریە ل دەمێ بڕێڤەچوونا هەوا لادانا زێدەگاڤیان ل دەڤەرا ئارکوازی لسەر رێیا خانەقین مونزریە.
ئەوژی دیارکریە، هەیا نها بسەدەمێ تەقەکرنێ چ زیانێن گیانی و ماددی نەبووینە، لێ باژێرڤانیێ سکالایا یاسایی دژی وی کەسی تۆمارکریە.
ئەڤە ددەمەکیدایە، دهی عەبیر خەفاجی، ڕێڤەبەرێ باژێرڤانیا کەربەلا ل دەمێ بڕێڤەچوونا لادانا زێدەگاڤیان د باژێرێ ویدا دایە بەر گوللەیان و بسەدەمێ دژواریا برینا وی ژیانا خۆ ژ دەستدایە.
هەر ئەڤرۆ ژی، مستەفا کازمی، سەرۆکوەزیرێن عێراقێ، کەسەک ب تۆهمەتا کوشتنا سەرۆکێ باژێرڤانیێ ئینایە جهێ کوشتنا وی و هەوا لادانا زێدەگاڤیا خەفاجی ل سەرانسەرێ وەلاتی ڕاگەهاند.
Comments are closed, but trackbacks and pingbacks are open.