تەكنەلوجیا بارەكێ دییە ل سەر پیراتیێ!!

تەكنەلوجیا بارەكێ دییە ل سەر پیراتیێ!!

زەنون سلێڤانەی
دەما ئەم بەحسا كەسێن پیر دكەین، ئەم بەحسا قوناغەكا تەمەنی دكەین، ئەگەر ژیێ مرۆڤ دروست و بێ كێشە برێڤە بچیت ھەر كەس دێ گەھیتە وێ قوناغێ. یا من مەبەست پێھەی بۆ ڤێ قوناغێ، ئەڤ كەسێن پیر یان دانعەمر و تایبەت د پێشكەفتنا نوكەدا، نابیت بھێنە پشت گوھـ خستن، وەك دبینین، ددەما سەرەدانەكێ دا یان ل مالێ یان ل ھەر جھەكێ گشتی بیت، ھەر كەس و تایبەت گەنج دێ موبایلێن خوە ژ بەریكێن خوە دەردئێخن و خوە پێڤە مژویل بكەن، باشە ئەو لڤێرە ھزرا خوە دكەن، كو ئەو بڤێ كریارێ یێ پیران پشت گوھـ د ئێخن؟!!

ھەر كەسێ بڤێت دشێت ڤێ چەندێ بروونی بینیت و ل ھەمی دەڤەران و رەنگە لناڤ ھەمی خێزانان ژی ھوسانە، ئەز نابێژم گەنج خوە دگەل تەكنەلوجیا نوی نە گونجینن، لێ دڤێت بیر ل تەمەنێ پیری ژی بھێتە كرن و چاوان زارۆك پێدڤی پیتەپێدانێ یە، ھوسان كەسێن پیر پێدڤی وێ چەندێ نە پیتە ب وان بھێتە دان، ئەو خودان سەربور و ئەزموونن، ئەگەر سەربور و ئەزمونێن وان د دگەل تەكنەلوجییا نوی نە گونجیت رامان ژێ ئەو نینە، كو ئەڤ كەسە دژیانێ ناگەھن و نەشێن خوە دگەل بگونجینن.

هەلبەت هژمارەکا زورا وان، ئەگەر نەهەمی و برێژەیەکا کێم یان زێدە بەردەوام پێدڤی ب چاڤدێریێ و پاراستنێ نە. لسەر ئاستێ جیهانێ و نیڤدەولەتیێ ژی هندەك پەیمان و بنەما هاتینە پەیرەوکرن، بۆ نموونە ل سالا ۱۹۹۱ ێ جارنامەیا نەتەوەێن یەکبوویێ یا گرێدایێ ب مافێن دانعەمران ڤە هاتیە پەسەندکرن لدووف بەندێ ژمارا (٢٥) ێ دا، ئەڤ چەندە تێکەست کریە، لێ ل وەلاتێ مە و مخابن هێشتا چ پێنگاڤ نەهاتینە هاڤێتن كو دگەشبین بن و ھەر چنە بیت دڤێت خانا پیران ھەبیت و چاڤدێری بۆ ئەڤێن نەخوش و كێم دەرامەت ھەبیت و دیسان یان من دڤێت ل سەر راوەستم، نابیت ھەبوونا تەكنەلوجییا پێشكەفتی، بارەكێ دیێ گران ل سەر ژیانا وان زێدە بكەت.