جڤاتا زانکویا سلێمانیێ بڕیاردا پرۆسا خواندنێ بۆ دەمێ دوو رۆژان ڕابگریت، ھاریکارێ سەرۆکێ زانکویێ ژی دبێژیت، ئێکشەمبیا ئایندە دێ دەوام دەسپێکەت.
د. پێشڕەو حەمەجان، ھاریکارێ سەرۆکێ زانکۆیێ بۆ کاروبارێن خویندکاران راگەھاند: ژبەر بەرژەوەندیا خویندکاران و پاراستنا گیانێ وان و دویرئێخستنا کەسوکارێن وان ژ ترس و دلگرانیان، جڤاتا زانکۆیا سلێمانیێ بڕیاردا بۆ دەمێ دوو رۆژان ٢٤ێ و ٢٥ێ ڤێ مەھێ خواندن بھێتە ڕاگرتن و دەواما خواندنێ ل زانکۆیێ ل رۆژا ئێکشەمبی دەسپێکا حەفتیا ئایندە دێ دەسپێکەتن.
ڕاگرتنا دەواما خواندنێ ددەمەکێدایە، دەمێ چەند رۆژانە خویندکارێن زانکۆ و پەیمانگەھان ل باژێرێن ھەولێر و سلێمانیێ و دەڤەرێن دەردورێن وان پارێزگەھان بۆ داخازاکرنا مافێن خۆ و ڤەگەراندنا دەرماڵەیان دەست ب خونیشاندان کرن.
ل گوری ئاخفتنا ھاریکارێ سەرۆکێ زانکۆیێ، دەواما ماموستایان و فەرمانبەرێن زانکۆیێ د وان دوو رۆژاندا یا ئاسایییە.
Comments are closed, but trackbacks and pingbacks are open.