جڤاتا وه‌زاره‌تا كاره‌بێ ل حكومه‌تا هه‌رێما كوردستانێ چه‌ند بریاره‌ك ل دۆر كاره‌بێ ده‌ركرن، و بۆ به‌رهنگاربوونا ب كارئینانا كاره‌با زێده هژماره‌كا یه‌كه‌یێن نوو یێن به‌رهه‌م ئینانا كاره‌بێ دێ ده‌نه كارى.
دكۆمبوونا ئه‌ڤرۆ یا جڤاتا وه‌زاره‌تا كاره‌بێ دا ب سه‌رپه‌رشتییا وه‌زیرێ كاره‌بێ كه‌مال محه‌مه‌د سالح بریار هاته دان، هژماره‌كا یه‌كه‌یێن نوو یێن به‌رهه‌م ئینانا كاره‌بێ ده‌ست ب كار ببن، و كاره‌با به‌رده‌وام بۆ ئه‌زموونێن گشتى یێن پۆلا 12ێ ئاماده‌یى بهێته دابین كرن.
هه‌روه‌سا دووپاتى ل وێ چه‌ندێ هاته كرن، قۆناغا ئێكێ یا پرۆژه‌یێ پیڤه‌رێ زیره‌ك بهێته تمامكرن، و كار بۆ زێده‌كرنا هژماره‌یا پیڤه‌رێن زیره‌ك بهێته‌كرن كو نها ئێك ملیۆن و 266 هزار و 328 پیڤه‌ر هاتینه گرێدان.
وه‌زاره‌تا كاره‌بێ بریار ل سه‌ر وێ چه‌ندێ ژى دا، كو شێوازێ پرى په‌ید ( Prepaid ) یێ پێدانا كاره‌بێ ل بازارێ له‌نگه یێ هه‌ولێرێ ببیته نموونه‌ك بۆ پێدانا كاره‌بێ ل هه‌موو جهێن دى و ل هه‌موو پارێزگه‌هان ژى ئه‌و شێوازه بهێته ب كارئینان
Comments are closed, but trackbacks and pingbacks are open.