فه‌رمانه‌گه‌ها میدیا و زانیارییان یا حكومه‌تا هه‌رێما كوردستانێ راگه‌هاند، ئه‌ڤرۆ جڤاتا وه‌زیرێن هه‌رێما كوردستانێ ب سه‌رۆكاتییا مه‌سروور بارزانى، سه‌رۆكێ جڤاتا وه‌زیران و ب ئاماده‌بوونا قوباد تاله‌بانى، جێگرێ سه‌رۆك وه‌زیران دێ كۆمبوونا خۆه یا ئاسایى ئه‌نجام ده‌ت.
ل گوره‌ى كارناما كۆمبوونێ، ئه‌ڤ بابه‌تێن ل خوارێ دێ هێنه گۆتۆبێژكرن:
- ئه‌نجامێ سه‌ره‌دانا شاندێ هه‌رێمێ بۆ دیوانا چاڤدێرییا دارایى یا فیدرال ل به‌غدا تایبه‌ت ب راپۆرتا تیما هه‌ڤپشك یا چاڤدێرییا دارایى.
- ره‌وانه‌كرنا راپۆرتا ژماره ( 3) یا تایبه‌ت ب یاسایا چاكسازییێ بۆ په‌رله‌مانێ كوردستانێ.
- كۆنڤیسێ لیژنا بلند یا چاره‌سه‌ركرنا كێشه‌یێن مولكدارى یێن كریستیانان.
- پێشنیارا درێژكرنا ده‌مێ كاركرنێ ب بریارا جڤاتا وه‌زیران یا ژماره ( 132 ) یا تایبه‌ت ب داشكاندنا رێژا 15 ژ سه‌دێ یا وان پێشینه‌یێن حكومه‌تێ كۆ ل ده‌ف وه‌لاتیانن، وه‌ك پێشینه‌یێن خانوبه‌ران و قه‌رزێن بچویك و پێشینه‌یێن به‌نكا چاندنێ و پێشینه‌یێن پرۆژێن پیشه‌سازى و گه‌شتیارى.
Comments are closed, but trackbacks and pingbacks are open.