جڤاتا وەزیران رەزامەندی لسەر ڤەگوهاستنا راژەیا فەرمانبەران بۆ دوو فەرمانگەهێن سه‌ر ب وەزارەتا خواندنا بلند دەرخست، هەروەسا بۆ ناڤ جڤاتا راژەی ژی بڕیارا ڤەگوهاستنا فەرمانبەران ددەت.
جڤاتا وەزیرێن كوردستانێ، ب دوو نڤیسارێن جودا، رەزامەندی لسه‌ر ڤەگوهاستنا راژەیا فەرمانبەران بۆ سەر میلاكێ دوو زانكۆیێن سەر ب وەزارەتا خواندنا بلند دەرخست.
ل دیف نڤیسارێ، كۆ كۆپییەك دەست (باسنیوز) كەفتیە، تێدا هاتیە: “زانكۆیا گەرمیان پێدڤی ب 19 فەرمانبەرانە کۆ چەند پسپۆڕییەك و هەر وەزارەتەك فەرمانبەرێن وێ داخازا ڤەگوهاستنا راژەی بۆ زانكۆیێ دكەن، ژبلی فەرمانبەرێن سەربازی، ئەڤە لیستا ناڤان ژ لایێ وەزارەتا خواندنا بلند بۆمە دهێتە رەوانە کرن، بۆ بڕیاردانێ.”
ل دیف نڤیسارەکا دی یا جڤاتا وەزیران، رەزامەندی دایە بۆ ڤەگوهاستنا 18 فەرمانبەرێن خۆدان پسپۆڕی بۆ پەیمانگەها تەكنیكی یا كۆیە، پشکێن زانستیێن تەقتەق.
دەمێ فەرمانبەر ل وەزارەتەكا دی دهێتە ڤەگوهاستن بۆ سەر میلاكێ وەزارەتا خواندنا بلند، مووچەیێ وی زێدە دبیت، ئەو ژی ژبەر هەبوونا دەرماڵەیا تایبەت ل وێ وەزارەتی.
ژ لایەکێ دی، جڤاتا وەزیران رەزامەندی دایە بۆ ڤەگوهاستنا 21 فەرمانبەرێن كارگێڕی و ژمێریاری و یاسایی و پەیوەندی و راگەهاندنێ بۆ جڤاتا گشتییا راژەی و داخوازیێن وان ژی بۆ جڤاتا گشتییا راژەی دهێتە هنارتن و پاشی ب لیستەكێ بۆ جڤاتا وەزیران دهێتە هنارتن، بۆ بڕیاردانێ.
بەرێ سەرۆكێ فەرمانگەها كارگێڕی و داراییا جڤاتا وەزیرێن كوردستانێ، بۆ (باسنیوز) ڕاگەهاندبوو: “ئەو فەرمانگەهـ و جهێن ئاریشا كێمییا میلاكان هەیە و فەرمانبەر نینە، ڤەگوهاستنا ڕاژەی بۆ دهێتە کرن و جڤاتا وەزیران بزاڤ کریە کۆ برێکا ڤەگوهاستنا راژەی، ئاریشا فەرمانگەهـ و دامودەزگەهێن حكوومەتێ چارەسەر بكەت.“
Comments are closed, but trackbacks and pingbacks are open.