شێخ جەعفەر شێخ مستەفا جێگرێ سەرۆکێ هەرێما کوردستانێ ب هه‌لكه‌فتا 76سالیا دامه‌زراندنا پارتى دیموكراتى كوردستان په‌یامه‌ك به‌لاڤكر و راگه‌هاند، پیروزباهیه‌كا گه‌رم ئاراسته‌ى سه‌روك بارزانى و هه‌مى ئه‌ندامێن مه‌كته‌با سیاسى و سه‌ركردایه‌تى و كادر و لایه‌نگرێن حزبا خه‌باتكه‌ر دكه‌م، داخوازا سه‌ركه‌فتنێ بۆ دخوازم د خه‌باتا سیاسى و پێكڤه كاركرنا دگه‌ل گشت لایه‌نێن سیاسى دا ل پێناڤ پاراستنا ئاشتى و ئارامى و دابینكرنا ژیانه‌كا ئارام بو خه‌لكێ كوردستانی.
جێگری سەرۆکێ هەرێما کوردستانێ ئاماژه ب هندێ ژى كر، گرنگه د نوكه‌دا هه‌می لایه‌نێن سیاسى، هه‌ست ب بهرپرساتیێ بكه‌ن ل پێناڤ به‌رژه‌وه‌ندیێن بلند و حوكمه‌كێ ساخله‌م كو د ئاستا داخوازى و پاراستنا هه‌می پێكهاتان دا بیت، دانوستاندنێ بكه‌ن ژبو چاره‌سه‌ریا هه‌می ئالوزیێن ل ناڤ پروسا سیاسی ل ده‌ڤه‌رێ ما‌ینه هه‌لاویستى، ل شینا كه‌رب و كینێ و رێكێ ل ئێك بگرین پێتدڤیه هه‌مى پێكڤه به‌رهه‌نگارى وان ته‌حه‌داتیا ببین یێن دبنه رێگر ل هه‌مبه‌ر ئاخ و سه‌روه‌رى و دامه‌زراندنا ده‌وله‌تێ.
ناڤبرى دیار ژى كر، هیڤیدارم ئه‌ڤ هه‌لكه‌فته بیته پێنگاڤه‌ك بو ئێكگرتنا ناڤمالا كوردى و رێكخستنا هزرێن نه‌ته‌وه‌یى ل پێناڤ بجهئینانا مافێن ده‌ستوورى و پاراستنا پێكهاتێن ئاخا هه‌رێما كوردستانی.
Comments are closed, but trackbacks and pingbacks are open.