جەنابی سەرۆک مسته‌فا بارزانی ڕێبه‌ری بزوتنه‌وه‌ی ڕزگاریخوازی گه‌لی كوردستان
نڤیسین ، ئازاد نەسرەت ، سلێمانیێ
له سه‌رچاوه مێژووييه‌كاندا ئاماژه به‌وه‌كراوه، جووڵانه‌وه‌ى رزگاريخوازى كورد و كوردستان هێنده‌ى به ناوى مسته‌فا بارزانى و شۆڕشه‌كه‌ى ده‌ناسرێته‌وه، نيو هێنده به مێژووى كۆى جوڵانه‌وه‌كه ناناسرێته‌وه، هه‌تا ئێستاشی له‌گه‌ڵدا بێت، ئه‌وانه‌ی له نزیكه‌وه بارزانییان ناسیووه یان به په‌یام و رێبازه‌كه‌ی ئاشنا بوون، هه‌ر وه‌ك سه‌ره‌تا چاوه‌ڕوانن ئه‌وه‌ی ئه‌و ئامانجی بووه‌و بۆی تێكۆشاوه له كوردستان بهێنرێنه دی وجێبه‌جێ بكرێن.
ئه‌مه‌ش ئاماژه‌يه‌كى روونه بۆ گرنگى ڕۆڵ و پێگه‌ى ئه‌و سه‌ركرده مه‌زنه‌ى هه‌موو ژيانى له پێناو نيشتيمانه‌كه‌ى به‌خشى و له مێژووى كۆن و نوێى كورددا گه‌وره‌ترين گوڕى به خه‌بات و تێكۆشانى كورد دا و دۆزى كوردى له ياخيبوونى ناوچه‌يى و خنكانى له بۆته‌ى گونده‌كانه‌وه گواسته‌وه شار و له‌وێشه‌وه گه‌ياندييه ناوه‌ند و پايته‌خته گه‌وره‌كانى ناوچه‌كه و جيهان.
به گوێره‌ى لێكدانه‌وه‌ى مێژوونووسانى كورد و سه‌رچاوه مێژووييه ناوخۆيى و بيانييه‌كان، مسته‌فا بارزانى يه‌كه‌م سه‌ركرده‌ى هه‌ڵكه‌وتووى كورد بووه، خه‌باتى كوردى له بازنه‌ى ناوچه‌يیبوونه‌وه كرده خه‌باتى نيشتيمانى و له داخوازى مافى سه‌ره‌تايى و مافى مرۆيى و كلتوورييه‌وه، داواكارييه‌كانى كوردى به‌رز كرده‌وه بۆ ئاستى داواكارى سياسى و جوڵانه‌وه‌ى رزگاريخوازى كوردى له نه‌بوونى به‌رنامه‌يه‌كى سياسى رزگار كرد و به دامه‌زراندنى پارتى ديموكراتى كوردستان له 16 ئابى 1946دا داخوازييه نه‌ته‌وايه‌تييه‌كانى كوردى له چوارچێوه‌ى به‌رنامه‌ى حزبێكى سياسى رێكخراودا رێكخست.
.دەزگەهێ مێدیایێ زێ بادینان
Comments are closed, but trackbacks and pingbacks are open.