جەنگا دفن ل عەردی دانێ (معركة المراغمة)
کێ دفنا کی ل عەردی دا ؟

دیدار، سەلاح سندی :

الرغام: ئاخە ، ویێ سەرکەفتی ل شەرێ مراغەمێدا ئەوە یێ دفنا هەڤرکێ خۆ ل ئاخێ بدەت، وجەنگا مەژی دگەل شەیتانێ نەفرەتی ژ ڤی رەنگی یە، ڤێجا یاسایێن ڤی جەنگی بزانە ، دا تو بسەرکەڤی و دفنا وی ل ئاخێ بدەی.
ئەم هەمی وێ دزانین یا چێبووی دەمێ خودێ تەعالا فەرمان ل شەیتانی کری کۆ بۆ بابێ مە ئادەمی بچیتە سوجدێ، بەلێ خۆ مەزنکر وبریاردا کۆ ئادەمی و ونفشێ وی بسەردا ببەت، وگۆت: [قَالَ فَبِعِزَّتِكَ لَأُغْوِيَنَّهُمْ أَجْمَعِينَ (82) إِلَّا عِبَادَكَ مِنْهُمُ الْمُخْلَصِينَ (83)] سورة ص.

وسەرەرای بورینا هزارەها سالا، شەیتان سست نەبویە وکێمتەر خەمی نەکریە، بەلکی ب هەمی هێز وشیانێت خۆ یێ بریارێن خۆ بجهـ دئینیت، وشەرێ مە دکەت ب دژواری وب هەر چەکەکێ هەبیت، وهەر چەندە کۆ ئەم ڤان پێزانینا دزانین ژی ، بەلێ هندەکا ژمە ئەڤ جەنگا هەروهەری (ابدي) دناڤبەرا مه و ویدا یا ژبیرا خو بری، هەکە ئەم سەحکەینە حالێ مروڤان ل هەر جهەکێ دێ بینی کۆ خرابی و زولم وستەم یێ بەلاڤبوی دەرئەنجامێ کارێن مە یێن خراب، بەلکۆ گەلەکا ئالایێ سپی یێ لبەرامبەر شەیتانی بلندکری ، وحەژێکرنا دنیایێ وشەهواتێن وێ یێ زاڵ بی لسەر وان.

ڤێجا دا بزانین یاسایێن جەنگا دفن ل عەردی دانێ چنە؟
ئەڤ جەنگە ژ شەش گەرا (جولة) پێک دهێت.
تو هزرنەکە کۆ ئەو شەرێ دناڤبەرا تە و شەیتانی دا هەما دێ ب جەولەکێ ب دوماهی هێت، بەلکی شەڕەکێ بەردەوامە ژ شەش گەرا پێک دهێت وەک “ابن القیم” دبێژت، ڤێجا دا بکورتی بەحسێ ڤان هەر شەش گەرا بکەین ودیار بکەین کا کی یێ سەرکەفتیە ل ئاستێ مروڤایەتیێ هەمیێ.

گەرا ئێکێ: جەنگا شرکا ب خودێ
ئێکەمین و مەزنترین ئارمانجا شەیتانی ئەوە کۆ خەلک کۆفریێ ب خودێ بکەن و هەڤپشکا بو دانن دپەرستنێدا، چنکی خودێ گۆنەها وی ژێنابەت یێ شریکەکێ بۆ خودێ دانیت، و ب مخابنیڤە شەیتان دڤێ گەرێدا شیا ب رێژەکامەزن بسەرکەڤیت ، کۆ سێ چارێکێن دنیایێ کافرن بتنێ چارێکەک موسلمانە.

گەرا دووێ: جەنگا بیدعێت عەقیدێ
‌پشتی شەیتانی شیای کۆ دگەرا ئێکێدا بسەرکەڤت کۆ پتریا خەلکێ بمینتە سەر غەیری دینێ ئیسلامێ، ئەو هێشتا یێ بەردەوام دشەریدا دگەل وێ چارێکا مایین و توشی کۆفرێ نەبوین ، کۆ وان بێختە دناڤ بیدعێت عەقیدێ دا ، دا کۆ لابدەن ژ مەنهەج و سوننەتا پێغەمبەری سلاڤ لێبن ، بینە گروپ و کومەلێن جودا ، فێجا پێدڤیە هەر ئێک ژمە ل جهێ خو بسەربکەڤیت ب جێبەجێکرنا شەریعەتێ خودێ

گەرا سیێ: جەنگا گونەهێت مەزن
وئەوێن د گەرا دووێدا بسەرکەفتین ، هێشتا شەر دگەل وان بەردەوامە، ب کرنا گۆنەهێت مەزن ، چنکی ب کرنا گۆنەهێت مەزن دێ تۆشی ئاگری بت وتورەی و غەزەبا خودێ دێ بسەردا هێت هەکە تەوبە نەکەت، و خوپاڕاستنا ژ گونەهێت مەزن سەرکەفتنە لسەر شەیتانی ودفن ئاخێدانا ویە، وەک خودێ دبێژت: (إِنْ تَجْتَنِبُوا كَبَائِرَ مَا تُنْهَوْنَ عَنْهُ نُكَفِّرْ عَنْكُمْ سَيِّئَاتِكُمْ وَنُدْخِلْكُمْ مُدْخَلًا كَرِيمًا)

گەرا چارێ: جەنگا گەلەک کرنا گۆنەهێت بچویک
هەکە شەیتانی شکەستن ئینا د گەرا سیێدا دێ گەرا چارێ راگەهینیت، ئەوژی گونەهێت بچیک ب مروڤی بدەتە کرنێ ، ومەڕەم ژڤێ گەرێ ئەوە گۆنەهێت بچیک بتە بدەتە کرنێ دا لبەرتە سڤک وساناهی بن وتو پتر نێزیکی یێت مەزن بی ، بو نمونە بەرێ خودانا حەرام لبەرتە سڤک دکەت دا تو تۆشی زینایێ بی،و چنکی تو پلە پلە یێ پێڤە هاتی تو هەست پێ ناکەی گۆنەها مەزنە.

گەرا پێنجێ: گەلەک کرنا تشتێ مباح(حەلال).
هەکە تو شیایە شەیتانی د هەر چار گەرێن بوریدا ، دێ شەیتان رێکەکا دی بکارئینیت ئەوژی گەلەک مژیلبوون وکرنا تشتێ حەلال ، بو نمونە هەم و خەمێن تە کرین و فروتنا ترومبێل و خانی و گیانەوەر و بازرگانی بیت، ومەرەم بڤێ چەندێ ژی ئەوە خێرێن تە کێم بن چنکی تو مژیلی ب کاروبارێن حەلالێن دنیایێڤه ، حەلالن بەلێ تە دویر دئێخن ژ کارێن گرنگ وپیروز یێن کۆ پاداشتێن وێ زور وەک بانگخوازیێ وهاریکارا وسەرئێخستنا برایێن خۆ یێن ستەملێکری..

گەرا شەشێ: مژیلبوون ب تشتێ باش لسەر یێ باشتر.
هەکە مروڤ سەرکەفت د هەر پێنج گەرێن بوریدا تویێ ل بەحەشتێ روژا قیامەتێ ب ئیزنا خودێ ، بەلێ تو هزردکەی کۆ شەیتان ل ڤێ چەندێ راوەستت؟
نەخێر، شەیتان نا راوەستت، بەلکۆ دێ هەول دەت تە مژیل بکەت ب تشتێ باش لسەر یێ باشتر، دا کۆ تو کێمترین خێرا بدەستخۆڤە بینی، دا تو نەگەهیە پلەیێن بلند ل بەحەشتێ.
ڤێجا بزانە کۆ شەڕیعەتیدا ئەولەویەت یێت هەین وێ بکە یا کۆ دوی دەمیدا بخێرتر.

جەنگا دفن ل عەردی دانێ (معركة المراغمة)، ونۆکە بو من بێژە ئەرێ دێ دفنا شەیتانی ل ئاخێ دەی؟

م. شیڤان شێخەمیری