جڤاتا وه‌زیرێن هه‌رێما كوردستانێ ره‌زامه‌ندى ل سه‌ر زێده‌كرنا 100 هزار دیناران ل سه‌ر مووچه‌یێ به‌شه‌كێ فه‌رمانبه‌ران دا.
ل دووڤ نڤیساره‌كا جڤاتا وه‌زیرێن هه‌رێما كوردستانێ كو ل 24ى چریا ئێكێ یا 2022ێ بۆ وه‌زاره‌تا دارایى هاتییه ره‌وانه‌كرن، ره‌زامه‌ندى ل سه‌ر زێده‌كرنا 100 هزار دیناران ل سه‌ر فه‌رمانبه‌رێن ده‌زگه‌هێ گشتییێ مینان هاتییه دان، كو مووچه‌یێ ئه‌وان ژ 425 هزار دیناران بۆ 525 هزاران هاته زێده‌كرن، و ئه‌ڤ زێده‌كرنه پشتى هه‌مواركرنا رێنمایێن دارایى یێن كو ل سالا 2019ێ ده‌ركه‌ڤتین، هات.
جه‌بار مسته‌فا سه‌رۆكێ ده‌زگه‌هێ گشتییێ كاروبارێن مینان راگه‌هاند، پشتى بزاڤه‌كا مه‌زن كوژمێ 100 هزار دیناران ل سه‌ر مووچه‌یێ شۆفێرێن كێلگه‌هێن مینان هاته زێده‌كرن، سه‌ربارى كو ئه‌و پاره ل ئاستێ داخوازییێن سه‌رۆكایه‌تییا ده‌زگه‌هێ مینان نینه، لێ ژبه‌ر قه‌یرانا دارایى یا نوكه هاتییه زێده‌كرن، و ئه‌و سوپاسییا حكومه‌تا هه‌رێما كوردستانێ دكه‌ن كو ره‌زامه‌ندى ل سه‌ر زێده‌كرنا مووچه‌یى دایى.
Comments are closed, but trackbacks and pingbacks are open.