فەرمانگەها میدیا و زانیاری یا سەر ب حكومەتا هەرێمێ ڤە ڕاگەهاند، جڤاتا وەزیران بڕیاردا ماوێ كاركرنێ ب بڕیارا ژمارە 132 یا تایبەت ب لێخۆشبوونا 15% یا پێشینەیان هەتا 20 مەها ئیلۆنێ بهێتە درێژكرن، ئەڤە ژی دووماهی دەرفەتە بۆ سڤككرنا قەرێن ل سەر وان وەڵاتیێن پارە وەكو سولفە وەرگرتین و جارەكا دی ئەو ماوە ناهێتە درێژكرن.
دبەشەكێ دیێ ڕاگەهاندنێدا هاتییە، داشكاندنا 15% یا پێشینەیان، سولفا ژنئینانێ، قەرێن بچووك و پێشینەیێن بانكا چاندنێ و پڕۆژێن پیشەسازی و گەشتیاری ڤەدگریت، هەر وەسا ڕێژەیا 15% ژ پارێ پێگیریێن دارایێن كەلەكەبوویی یێن شارەوانی و گەشتوگوزار و ئاڤێ ڤەدگریت، ب مەرجەكی كەس و لایەنێ بەرپسیار بەرهەڤییا خۆ دەرببڕن دماوێ 90 ڕۆژاندا قەرێن خۆ ئەدا بكەن.
فەرمانگەها میدیا و زانیاری خۆیاكر، لێخۆشبوون ب ڕێژەیا 15% سەرجەم سزایێن پاشكەفتی و مفایێن لسەر باج و رسوماتان ڤەدگریت، ب مەرجەكی كەس و لایەنێ قەردار دماوێ دیاركریدا قەرێ خۆ ئەدا بكەت، زێدەباری وێ چەندێ دەستهەڵات بۆ وەزیرێ دارایی هاتینە دان هەموو جورێن ئاسانكاریان دچوارچووڤێ یاسایێن كارپێكریدا بۆ ڤەگەڕاندنا باج و رسومات و قەران بكەت.
Comments are closed, but trackbacks and pingbacks are open.