بریکارێ وەزارەتا چاندنا عێراقێ ڕاگەهاند، د نها دا پارێزگەهێن عێراقێ، ب هەرێما کوردستانێ ڤە دشێن بەرهەمێن ئاژەلی لێک بگوهۆرن ب مەرجێ هەبوونا بەلگەنامەیا ڤیتەرنەریا پارێزگەهێ.
ئەڤرۆ پێنجشەمبێ، مەهدی جبوری بریکارێ وەزارەتا چاندنا عێراقێ د چاڤپێکەفتنەکێ دا دگەل ئاژانسا فەرمی یا نووچەیێن عێراقێ ڕاگەهاند، بەریا نها وەزارەتا چاندنێ رێکێ نەدەت پارێزگەهان بەرهەمێن ئاژەلی هەناردەی ئێک و دوو بکەن، لێ د نها دا ئەو رێگریە هاتە ڕاکرن.
ئاماژە ب وێیەکێ ژی کر، پارێزگەهێن هەرێمێ بەرهەمێن ئاژەلی هەناردەی پارێزگەهێن ناڤەڕاست و باشورێ وەلاتی بکەن، ب مەرجێ هەبوونا بەلگەنامەیێن ڤیتەرنەری ل وێ پارێزگەهێ یا کو هەناردە دکەن و ساخلەمیا نوژداری ژی بۆ کربیت.
مەهدی جبوری بەحسا وێیەکێ ژی کر، بسەدەما وێیەکێ کو دنهادا ڤەگۆهاستنا چێل و گامێش و بزن و پەزی دناڤبەرا باژێراندا دێ ب ئاسانی برێڤەچیت، بهایێ گۆشتی ل پارێزگەهان نزمبوویە و پشتی وێیەکێ کو ل دوو مەهێن دەربازبووی دا بلندبوو.
ئەڤە د دەمەکێ دایە، محەمەد کەریم وەزیرێ چاندنا عێراقێ ڕاگەهاند، بمەرەما ئارامکرنا بهایێ هێکان د بازاری دا، دوو رێکا دگرنە بەر ئەو ژی، “کۆمپانیا گشتی یا چاندنێ لەزبکەت د پرۆسەیا بەرهەمئینانا هێکێن ناڤخۆی دا ل هەرێمێ”، رێکارا دووێ ژی بریتیە ژ قەدەغەکرنا هاوردەکرنا هێکان ب رێکێن نەیاسای و رێک پێ نەدای.
Comments are closed, but trackbacks and pingbacks are open.