حکومەتا ھەرێما کوردستانێ رادگەھینیت،ب مەرەما روویبرووی بوونا ھشکەساڵی و کێمئاڤیێ بڕێ چوار ملیار دیناران تەرخاندکەت و پێنگاڤا ئێکێ ژی دوو ملیار و ٥٠٠ ملیۆن دینار دێ ھێنە مەزاختن.
حکومەتا ھەرێما کوردستانێ راگەھاندنەک بەڵاڤکر و تێدا راگەھاند: چوار ملیار دینار بۆ روویبرووینا ھشکەساڵی و ئاریشەیێن ئاڤا ماڵان تەرخانکرینە، د قوناغا ئێکێ ژی دا دوو مڵیار ٥٠٠ ملیۆن دیناران دێ بسەر پارێزگەھێن ھەولێر، سلێمانی و دھۆکێ دا ھێنە دابەشکرن.
ھەر دوێ راگەھاندنێدا ھاتیە،” ملیارەک و ٥٠٠ ملیون دینار ب مەرەما بلەزکرنا بەرھنگاربوونا ئاریشەیا کێمئاڤیێ ل سنورێ پارێزگەھا ھەولێرێ دێ ھێنە مەزاختن”.
د بەشەکێ دیێ وێ راگەھاندنێدا ھاتیە،” ژ وان دوو ملیار و ٥٠٠ ملیون دینارێن ھاتینە تەرخانکرن، ملیارەک بۆ پارێزگەھا سلێمانیێ، ھەلەبجە و ئیدارا گەرمیان و ڕاپەڕین، ٩٢٥ ملیون دینار بۆ پارێزگەھا ھەولێرێ و ٥٧٥ ملیون دینار ژی بۆ پارێزگەھا دھۆکێ دێ ھێنە تورخانکرن”.
Comments are closed, but trackbacks and pingbacks are open.