حکومەتا هەرێما کوردستانێ وەزارەتا ناڤخۆ ڕاسپارد بۆ وەرگرتنا رێکارێن یاسایی لهەمبەر ئەوی باندێ کو بازرگانیێ ب سەلامەتیا گەنجان دکەن.
جڤاتا وەزیرێن هەرێما کوردستانێ ڕاگەهادنەک بەلاڤکر و تێدا ئاماژە ب وێیەکێ کر، کو د جڤینائەڤرۆیا وەزیراندا بەحس ل چارەسەریا ئاریشەیێن وان کۆچبەرێن هەرێمێ کرینە ئەوێن ژ وەلاتێ بیلاروسیا دچنە ئەورۆپا.
د ڕاگەهاندنا حکومەتا هەرێمێدا ئاماژە ب وێیەکێ هاتیەکرن، “کو دجڤینێ دا سەفین دزەی بەرپرسێ فەرمانگەها پەیوەندیێن دەرڤە، بەحسا بزاڤێن حکومەتا هەرێمێ کر بۆ چارەسەیا ئاریشەیا وان کۆچبەرێن هەرێمێ ئەوێن ژ وەلاتێ بیلاروسیا دچنە ئەورۆپا کر، جڤاتا وەزیران ژی وەزارەتا ناڤخۆ ڕاسپارد بۆ وەرگرتنا رێکارێن یاسای لهەمبەر وان کەسێن بارزگانیێ ب ژیان و سەلامەتیا گەنجان دکەن”.
ئەڤە د دەمەکێ دایە، رۆژانە هەژمارەکا زۆرا وەلاتیان لسەرتاسەری هەرێما کوردستانێ ب رێکا وەلاتێ بیلاروسیا بەرەڤ ئەورۆپا کۆچ دکەن و پتریا وان ژی گەنج، ب ئاوایەکێ لگۆرەی ئامارێن نەفەرمی رۆژانە زێدەتری ١٠٠ گەنجێن پارێزگەها دهۆکێ کۆچبەری وەلاتێن ئەورۆپا دبن.
Comments are closed, but trackbacks and pingbacks are open.