ب هاریكاریا وەزارەتا ده‌رڤه‌یا سویسرا و ب پشكداریا نوونه‌رێ حکومەتا هەرێما کوردستانێ و حکومەتا فیدرالا عیراقێ، رۆژا 27-10-2022 پەیمانگه‌ها قورتبە بۆ ئاشتی – جنێڤ، كۆمبوونه‌كا شیره‌تكارى بۆ گۆتۆبێژكرنا چارەنڤیسێ بێسەروشوینكریان ل جنێڤ رێکخستییه.
لدۆر پشكداریكرنا حكومەتا هەرێمێ د كۆمبوونێدا د.دیندار زێباری، رێكخەرێ راسپاردى یێ ناڤده‌وله‌تى ل حكومەتا هەرێما كوردستانێ كو د هه‌مانده‌مدا سەرپەرشتیارێ جێبەجێكرنا پلانا هەرێمێ بۆ مافێن مرۆڤى راگه‌هاند،: د ئه‌ڤێ كۆمبوونێدا نوونه‌رێ سه‌رۆكێ جڤاتا وه‌زیران و ئالییێن په‌یوه‌ندیداریێن حكومه‌تا ئیتتیحادی، نوونه‌رێ وەزارەتا ده‌رڤه‌یا ئەلمانیا و سویسرا، رێکخراوا ناڤده‌وله‌تى و دبیت لژنا ناڤده‌وله‌تییا خاچای سوور و کۆمیسۆنا بلند یا نەتەوەیێن ئێكگرتى بۆ پەنابەران پشكدارن.
د.دیندار زێباری دیاركر، ئەڤ كۆمبوونه دێ ده‌رفه‌ته‌ك بیت بۆ به‌رچاڤكرنا تەحەددیات و ئەو پێشكەفتنێن هاتینه بجهئینان د پرۆسەیا جێبەجێکرن و دووڤچوونا پلانا حکومەتا هەرێمێ بۆ مافێن مرۆڤى لسەر ئاستێ ناڤده‌وله‌تى ب تایبەتی بێسەروشوین کو پشكه‌كه ژ پلانا هەرێمێ بۆ مافێن مرۆڤى و ژ سه‌رجه‌مێ 389 راسپاردە بۆ هەرێمێ، 9 راسپاردە تایبەتن ب تاوانا بێسەروشوینکرنێ ژ چارچووڤێ تاوانێن ناڤده‌وله‌تى.
ل هەرێما کوردستانێ 179 راسپاردە ژ سه‌رجه‌مێ 389 راسپاردەیان پانۆراما خۆلا گشتگیر یا نەتەوەیێن ئێكگرتى هاتینه جێبه‌جێكرن.
Comments are closed, but trackbacks and pingbacks are open.