ل گوری راگەھاندنەکا وەزارەتا خواندنا بلند و ڤەکولینێن زانستیا حکومەتا ھەرێما کوردستانێ کو ئەڤرۆ دەرچوویە و ئیمزایاد.ئارام محەمەد قادر وەزیرێ خواندنا بلند لسەرە و ئاماژە ب وێ چەندێ دایەکو حکومەتا ھەرێما کوردستانێ بڕیاردایە بڕێ حەفت ملیار و ٢٥٠ ملیۆن دینار وەک پێشینەیێن مەھانە بۆ پشتەڤانیکرن ژ خویندکاران تەرخانبکەن.
د بەشەکێ دیێ وێ راگەھاندنێدا ھاتیە،” ئەو بڕە پارەیە بۆ پشتەڤانیکرنا خویندکاران و چارەسەرکرنا ئاریشا بەشێن ناڤخۆیی و دابینکرنا خزمەتگوزاریانە، ئەو بڕیارە دێ ل رۆژا ١ێ مەھا ١ یا ساڵا ٢٠٢٢ ژ لایێ وەزارەتا دارایی و ئابوری بۆ خواندنا ساڵا ٢٠٢١-٢٠٢٢ ھێتە جێبەجێکرن.
ئەڤە بڕیارە پشتی وێ چەندێ ھات، کو بۆ دەمێ چەندین رۆژانە خویندکارێن زانکۆ و پەیمانگەھان ل سنورێ سلێمانی، ھەلەبجە، ئیدارا گەرمیان، ڕاپەڕین دەست ب خونیشاندانان کرینە و دوپات دکەت پێتڤیە دەرماڵەیێن مەھانە بۆ وان بھێنە تەرخانکرن کو ل ساڵا ٢٠١٤ ب ھێجەتا قەیرانا دارایی ھاتبوونە بڕین و چ ئاماژەیەک ژی ب تەرخانکرنا دەرماڵەیان بۆ خویندکاران نەھاتیەکرن.