خسرو گوران به‌رپرسێ ده‌زگه‌هێ هه‌لبژارتنێن پارتى دیموكراتى كوردستان دچارچه‌ڤێ پشكداریكرنا به‌رنامێ تلفزیونی دا سه‌باره‌ت ب كوردان و پروسا هه‌لبژارتنێن بهێت یێن عێراقێ راگه‌هاند ، لدویڤ هه‌مى بوچوونان 10 هه‌یڤا 10 دێ هه‌لبژارتن هێنه كرن و ئه‌م ژى وه‌كو پارتى دێ خو ئاماده كه‌ین ،
هه‌لبژارتنێن ڤێ جارێ هنده‌ك تشت دێ هێنه گوهورین
هه‌لبژارتنێن ڤێ جارێ هنده‌ك تشت دێ هێنه گوهورین ئه‌ڤ جاره قانون هاتیه گوهورین ژلایێ پشكداریكرنێ و كاندیدكرن و هژمارتنا ده‌نگان و هه‌ڤپه‌یمانى كرن یا جودایه دگه‌ل هه‌لبژارتنێن دى كو به‌رى نوكه ل عێراقێ دهاتنه ئه‌نجامدان.
دیاركر ژى كو ئالوزى پشتى هه‌لبژارتنان زور دئاسایى نه ب تایبه‌ت ئه‌وێن دیموكراسیه‌تێ دا دلاواز و فره‌نه‌ته‌وه‌یى و فره‌ئاینى و مه‌زهه‌بى تێدا هه‌ى ، ئاماژه دا كو زور ئاسایى یه لایه‌نێن سیاسى خو تومار بكه‌ن یان كه‌سێن كو دێ بو خو كاندید كه‌ن ، ڤێ جاره لیست نینه به‌لكو ناڤێ كاندیدیه ، خو كاندیدكرن ڤێ جارێ دێ زێده‌تر بیت د هه‌لبژارتنێن بورى دا.
خسرو گوران راگه‌هاند ، حه‌تا سالا 2010 ئێك بازنه بوو عێراق پاش بو 18 بازنێن هه‌لبژارتان ، پشتى سالا 2020 ێ قانون هاته گوهورین دگه‌ل خونیشاندانێن كو ل عێراقێ سه‌رهلداى كو دڤیا ب ڤى ره‌نگى جادێ رازى بكه‌ن زوربه‌ى لایه‌نێن سیاسى نه‌چار بوون ب ده‌نگدانێ ب ڤێ قانونا نوى یا هه‌لبژارتنان.
گوت ژى ، پارتى ستراتیژیا وێ ئه‌وه كو پێگه‌هێ كورد ل به‌غدا ب هێز بمینیت وه‌ك حزبه‌كا مه‌زن بزاڤێ دكه‌ت پێگه‌هێ خو وه‌كو خو به‌لكى ب هێزتر و زێده‌تر بكه‌ت ، ته‌ئكید ل وێ چه‌ندێ ژى كر كو كورد پێدڤیه ل ده‌ڤه‌رێن ده‌رڤه‌یى ئیدارا هه‌رێمێ دئێكگرتى و ئێك هه‌لویست بن بو برن و مسوگه‌ركرنا كورسیان ، پارتى دیموكرات كوردستان چ هه‌ڤپه‌یمانى دگه‌ل چ لایه‌نێن سیاسى نینن
پارتى دێ پشكداریێ د 28 بازنێن هه‌لبژارتاندا دكه‌ت هه‌ر ژكوت حه‌تا شنگالێ ، حه‌تا نوكه ده‌رفه‌ت په‌یدانه‌بویه كادران و خه‌لكێ مه ب زڤریته باژێرێ كه‌ركوكێ .
خسرۆ گوران ، كورد پێدڤیه ل ده‌ڤه‌رێن ده‌رڤه‌یى ئیدارا هه‌رێمێ دئێكگرتى و ئێك هه‌لویست بن بو برن و مسوگه‌ركرنا كورسیان
نوكه ژى دێ بزاڤێكه‌‌ین بو هندێ باره‌گه‌هێن مه‌بهێنه زڤراندن ، و ب هه‌ر حاله‌ته‌كى ئه‌م دێ پشكدارىێ د پروسیا هه‌لبژارتنێ باژێرێ كه‌ركوكێ دا كه‌ین، بزاڤێ دكه‌ین كو ده‌ڤه‌رێن ده‌رڤه‌یی ئیدارا هه‌رێمێ چ ل جهێن خو چ ئاواره‌یێ ده‌نگێن وان نه‌سوژن و ده‌نگێ خو بده‌ن ، هه‌لبژارتن مافێ د‌ستورى یێ هه‌ر كه‌سه‌كى یه لدویڤ رزا‌مه‌ندیا خو ده‌نگى ب كاندیدێ خو بده‌ت
خسروى راگه‌هاند ژى ، كو مویسل كه‌لها پارتى یه ژ 6 كورسیان كێمتر نه‌ئینایه و مه باوه‌رى ب خه‌لكێ خو هه‌یه ل پارێزگه‌ها نه‌ینه‌وا ، پێگه‌هێ كوردان ل ڤێ پارێزگه‌هێ زور یێ گرنگه ، رونكر ژى كو هه‌بونا مه ل به‌غدا ل سه‌ر سێ ستوینا راوستیایه شه‌راكه‌ت و هه‌ڤسه‌نگى و هه‌ڤپشكى ، ئه‌گه‌ر به‌غدا ڤێ به‌رچاڤ نه‌گریت هوسا ئه‌م نه‌شێن رولێ خو بینین و ئه‌و زورینه‌نه .
Comments are closed, but trackbacks and pingbacks are open.