خه‌میس خه‌نجه‌ر سه‌رۆكێ هه‌ڤپه‌یمانییا سیاده و ئه‌یاد عه‌لاوى سه‌رۆكوه‌زیرێن به‌رێ یێ عیراقێ په‌یامه‌كا پیرۆزباهییێ ئاراسته‌یى نێچیرڤان بارزانى كر ب هه‌لكه‌ڤتنا هه‌لبژارتنا وى وه‌كو جێگرێ ئێكێ یێ سه‌رۆكێ پارتى دیموكراتى كوردستان.
ل ئێكه‌م رۆژا كۆنگرێ 14ێ یێ پارتى دیموكراتى كوردستان ل سێى چریا دووێ یا 2022ێ، نێچیرڤان بارزانى ب ده‌نگێن ئه‌ندامێن كۆنگره‌ی وه‌كو جێگرێ ئێكێ یێ سه‌رۆكێ پارتى هاته هه‌لبژارتن.
ب ئه‌ڤێ هه‌لكه‌ڤتێ خه‌میس خه‌نجه‌ر پیرۆزباهى ل نێچیرڤان بارزانى كر و بۆ دیاركر : ئه‌وان هیڤییێن خوه لسه‌ر سه‌رۆكایه‌تییێ داناینه و باوه‌رى ب شیانێن وان بۆ به‌رده‌وامبوونا ئاڤه‌دانى و ئاڤه‌دانكرنێ هه‌یه.
هه‌روه‌سا ئه‌یاد عه‌لاوى سه‌رۆكوه‌زیرێن به‌رێ یێ عیراقێ دپه‌یامه‌كێدا پیرۆزباهى ل نێچیرڤان بارزانى كر و گوت: ئه‌وى باوه‌رى ب شیانێن وان بۆ هه‌لگرتنا به‌رپرسیارییێ به‌رامبه‌ر خه‌لك و خۆشتڤییان ل كوردستانا خۆشتڤى، و پاراستنا ئه‌وێ ئه‌زمونا دیموكراسى و ئه‌وا سه‌ركه‌ڤتنێن دهه‌موو بواراندا تۆماركرین هه‌یه.
Comments are closed, but trackbacks and pingbacks are open.