خۆپیشاندان و نه‌رازیبون ل پشكه‌كا زۆر ژ باژێرێن رۆژهه‌لاتێ كوردستان و ئیرانێ دبه‌رده‌وامن، ل شه‌ڤا بوورى ژئه‌گه‌رێ په‌قینێن هێزێن ئه‌منى دوو خوپیشانده‌ر ل رۆژهه‌لاتێ كوردستانێ و ئه‌ندامه‌كێ هێزێن ئه‌منى هاتنه كوشتن.
رێكخراوا هه‌نگاو یا مافێن مرۆڤى راگه‌هاند، ژئه‌نجامێ خوپیشاندانێن شه‌ڤا بوورى ل باژێرێ كامێران، دوو وه‌لاتى ب ناڤێ فواد محەممەدی و سەعید مورادی هاتانه كۆشتن و سێ كه‌سێن دى برینداربوون.
د هه‌مان ده‌مدا ل باژێرین بۆكان و سه‌قز و مه‌هاباد و چه‌ندین باژێن دى یێن رۆژهه‌لاتێ كوردستانی خۆپیشاندان هاتنه كرن، و سوپایێ پاسدارێن ئیرانێ كۆشتنا ئه‌فسه‌ره‌كێ ل باژێرێ كامیرانى رۆژهه‌لاتێ كوردستانێ راگه‌هاند.
دیسان خوپیشاندان ل باژێرێن ته‌هران و ئه‌سفه‌هان و ده‌ڤه‌رێن سیستان و به‌لۆجستان و چه‌ندین باژێرێن دى یێن مه‌زنێن ئیرانێ د به‌رده‌وامن.
هه‌روه‌سا نه‌ته‌وێن ئێكگرتى داخوازكر دوماهیێ ب توندوتیژیێ بینن و راگه‌هاند، تنێ ل سنوورێ ته‌هران زێده‌تر ژ هزار خۆپیشانده‌ران هاتینه ده‌سته‌سه‌ركرن و پشكه‌ك ژ وان سزایێ سێداره‌دانێ دانایه سه‌ر.
Comments are closed, but trackbacks and pingbacks are open.