زێ بادینان،بلند بهجت
زانايێن نوشدارى دياركرن كو خۆگوهۆڕه‌كێ نوى ژ ڤايرۆسێ كۆرۆنايێ ب ناڤێ ده‌لتاكرۆن هاتيه ده‌ستنيشانكرن كو ژ تێكه‌لبوونا خۆگوهۆڕێن ده‌لتا و ئۆميكرۆنێ په‌يدابوويه.
ل گۆره‌ى تۆرا NBC نيوز يا ئه‌مريكى؛ زنجيره‌يا نوى ب ناڤێ ده‌لتاكرۆن داتايێن جێنى يێن هه‌ردو زنجيره‌يێن ده‌لتا و ئۆميكرۆن دناڤ دا هه‌نه.
جێرمى كامێل مامۆستايێ زينده‌وه‌رزانيێ و به‌ڕگريا له‌شى ژ زانكۆيا شريڤپۆرت ل ويلايه‌تا لويزيانا يا ئه‌مريكى ل دۆر ڤێ چه‌ندێ دياركر؛ خۆگوهۆڕێ ده‌لتا ل گه‌ل پرۆتينێ سپايك يێ ئۆميكرۆن تێكه‌لبوويه كو ڤى پرۆتينى رۆله‌كێ گرنگ د چوونا ڤايرۆسێ كۆرۆنايێ بۆ دناڤ خانه‌يێن له‌شى دا هه‌يه.
نيويۆرك تايمز ژ ئێتيان لوريێر زانايێ ڤايرۆسان يێ فره‌نسى ڤه‌دگوهێزيت؛ له‌شێ مرۆڤى پتريا جاران ل سه‌ر ده‌لتاكرۆن هلدبيت كو هزر دكه‌ت ئوميكرۆنه، ژبه‌ر ڤێ چه‌ندێ نيشانێن وان تا رادده‌يه‌كێ د هه‌ڤشێوه‌نه.
گرنگترين نيشانێن ده‌لتاكرۆن پێكدهێن ژ؛ هاتنه‌خوار دفنێ، سه‌رئێشان، بێهنژين، هه‌ودانا گه‌وريێ و هندەكێن دى.
خۆگوهۆڕێ ده‌لتاكرۆن تا نها ل ئه‌مريكا و ژماره‌يه‌كا وه‌لاتێن ئه‌ورۆپى وه‌كى فره‌نسا، ئه‌لمانيا و دانيمارك هاتيه ديتن.
بۆ ئێكه‌م جار ئه‌ڤه خۆگوهۆڕه ل ئه‌مريكا ل نيڤا هه‌يڤا شوباتێ بۆرى هاتبوو ده‌ستنيشانكرن.
زانايێن ساخله‌ميێ دويڤچوونا ڤى خۆگوهۆرێ نوى و شيانێن ڤايرۆسێ كۆرۆنايێ ب پێكئينانا هنده‌ك خۆگوهۆڕێن دى يێن نوى دكه‌ن.
Comments are closed, but trackbacks and pingbacks are open.