خۆ گوهارتن زەحمەته..

.محمد مراد…

گەنجەڪێ پروژەڪێ جوان پێشڪیشی سەروڪێ خۆ ڪر،لسەر وەرەقا تژی خالێن باش و دیزاینێت باش و پێشنیارێت باش تێدا بون، هزر لسەر ئەردی و خەلڪێ و جفاڪی و پێکهاتا وەلاتی نەڪر بوو،ڪا دێ چەوا ئەو پروژه لسەر عەردی و باژێرا دا جێبەجێ بیت، چنڪو گوتن و ڪریار و ڪردار زور ژێك جودانه، گوت ئەز‌بەنی ل دیف خال و بەندێن دڤی پروژەی دا(10)سالا دەرفەتێ بدەمن،دێ وەلاتێ خو گوهورم و وەك سەنغافور لێ ڪەم پشتی دان وستاندنا،سەروك رازی بو هەمی دەسەلات دانێ،ڪار دپروژێ خودا بڪەت،،

دە سال چون، پروژەی وی سەرنەگرت وەلات ڪافل تر و وێرانتر لێ هات،بێ ڪاری زێدە بوو،ڪارەب لاواز بو،گاز و سوتەمەنی گران بون،،جارێ دووێ سەرەدانا سەروڪی خو ڪر ،گوت ئەزبەنی پروژێ من سەر نەگڕت لمن ببوره،،

دەرفەتەڪا دی بدە من، ل دیف ڤی پروژەی دێ باژێرێ خو گوهورم و ڪەم (دوبەی)سەروك رازی بوو.هەمی دەسەلات دانێ ڪار بڪەت د باژێری دا،دەست بگوهرینا ڪر،جهەك خرابڪر و ئێك ئافاڪرن و سیستەمێن باژێری دانان و سویڪێن شەڤێ ڪرن روژ و یێن روژێ ڪرن شەڤ و گەلەك خو ماندیڪر، ده سالان بورین هندی هات خەلڪێ پێگیڕ بن، نە هەرێ ڪەسێ گوهداری نەڪر،،

جارەڪا دی ژی پروژێ وی سەرنەگرت، بو جارا سیێ چو دەف سەروڪی گوت ئەزبەنی پروژێ من سەرنەگرت، دەرفەتەڪێ بدە من،دێ خێزانا خو گوهورم ،گوت دەرفت بوتەیه 10سال، خێزانا خو بگوهوره ،چو دناف خێزانا خودا ، هەروژ گوهورینەك دمالێ دا دڪر و هەروژ داب و نەریتێت نوی دناف خێزانێ دا دگوتن و ڪەسێ گوهداریا وی نەڪر، دە سالا نەشیا خێزان و زاروڪێن خو لسەر پەروەردەڪا
سەردەم بگورێت، ناچار بوو قەستا سەروڪی ڪر، گوت ئەزبەنی پروژێ من سەرنەگرت من نەشیا خێزانا خو ژی بگوهرم،،

گوت،ئەزبەنی دەرفەتێ بدە من ئەز بخۆ دێ خو گوهورم، گوت دەرفەت بوته دە سالێن دی، ڪابرا قه ستا مالێ ڪر، بشێوازێن جودا جودا خو گوهارت و زمانێ خو گوهارت و خوارنێت خو گوهارتن، نه هەرێ نەشیا دناف مالێ دا چ بڪەت تەمەنێ وی گه هشت حه فتێ سالیێ، ناچار بو قەستا چیایی ڪر و خو دڪەفرەڪێ دا هاڤێت، و نەشیا خو بگوهریت،،

ئه فجا چ حڪومەت بیت یان سەرڪردە و سەروك وڪەسەك بیت ئەگەر نەشێت خو بگوریت نڪارێت، نە خێزان و نه باژێر و نە دەولەتا خو ژی بگوهریت، فەرە ئەم پێڪڤه هەول بدەین گرنگی ب ئاڤاڪرنا تاڪی بدەین ،بڪارین خو دگەل ڤی سەردەمی بگونجینن و بڪارن خێزان و باژێر و دەولەتا خو ژی بگورن، نەمینن دناڤ قولاچڪێن تاری دا مژیلی خو، سه پا ندنا ببین یان ئەز یان وەلات ئاڤا نابیت،هەر جەنده روژهەلاتا ناڤەراست زور زەحمەته ڪەسك بڪاریت خو بگوریت،،،

چنڪو بویە ڪەلتورێ چاف لێڪرنێ فلانی هو دڪر و ئو بڪێر خوهات ،ئەز ژ ی دێ وەڪەم،بوچی وی وە دڪر،،