خەلكێ دەرڤەێن سنوری خەلكەكێ ھەژار و بێكارە، ھەتا كەنگی؟!!

ئەدیبا عزالدین تاهر

بوردومان یا ژ ناڤێ وێ دیارە، بوردومان ب ڕامانا وێرانکرن، مالوێرانی، خرابکرن، تێکدان، باشە ئەڤ چەکێ کو هاتیە چێکرن ژ بۆ شەڕ و جەنگان ژ بۆ پاراستنا خاك و نەتەوەیا خوە و گەلێ خوە بەلێ چاوا ؟؟؟ دەمێ کو ب ڕاستی دەستدرێژی ل ئاخا مرۆڤی تێتەکرن، دەمێ بزانین گەلێ مرۆڤی دناڤا مەترسیێدایە، دەمێ کو گەلێ مرۆڤی یێ زولمێ دبینێت وایە؟؟
لێ مرۆڤان خوە بێ ڕەحم کرییە، وا کرییە کو دژی هەڤبین کەس ڕەحمێ ب کەسێ نەبێت بوو؟؟ ما هەموو نە ڕحن ما هەموو نە خوین و گۆشتن!! بۆ ئەم هەموو پێکڤە لسەر ڤێ زەڤیا بچویک ب خوەشی ناژین، چما بۆ ئێکدو ب ڕەحم نابین، چما ئێکدۆ قەبوول ناکین، بوچی گەلێ خوە بۆ ئێکدو نادین نیاسین، بوچی ئاخا خوە بۆ ئێک پیروز نادانین، بوچێ بۆ ئێکدو خوەش ناکەین، حەز ژ وەلاتێ ئێک ناکەین، وەلاتێ خوە بۆ ئێکودو شروڤە ناکەین ئاخر بوو بوو بوو؟؟؟
ئەم هەردەم بەحسا بەهەشتێ دکەین، ئەرێ ما ئەڤ زەڤیا كو ئەم تێدا نە بەهەشتە؟ ئەم ل ڤێ گەردوونا بچویک ڤان نەعمەتێن خودایی و ڤان زەڤی و زارێن پر جوان، كو ژ مەڕە ئافراندینە چما ئەم وێ خراب دکین؟ چما ئەم جورئەتێ ددین خوە، كو دهەمبەر ئافراندنێن خوەدی ڕاوەستین و ئافراندنێن دەستی وی ب كەرب و كین تێكبدەین و ڤێجا ژ خوە ڕە بێژین ئوولدار و خودێ دوست و خوەدێ خواز؟؟؟ ئەوێ ڤان كردارا بكەت، نەك خودێ نیاس نییە و بەلكو مەلعوونە و دژی خوەدێیە.
داخازا چ لێبوورینان ژی ناكەم، ئەگەر هەستەكا من ئەز هەژاندنم، کۆ ڤان وشەیان بکار بینم ژ بەر چێ من ئەڤ چەندە گوت؟؟ ژ بەر كو بۆردومانا 20/7/2022 و ئەوێن ب سالانە ل دەڤەرێن كوردستانێ دهێنكرن كەسیش، خوە ژ وان ڕە ناكەت خودان و ئەگەر ژ ئەگەرا ڤان بوردمانان نەبایە، دبیت كو مە زەڤی و زار و غاباتێن جوان یێن سروشتێ جوانێ کۆردستانێ هەبان.

“ھیڤیخوازین كێشەیێن سەرسنوری ب پەرپرسیارانە بھێنە چارەسەركرن”

هون دزانن چ تشتەك ئەز پڕحیبەتگرتی کرم!! ئەوێ چەندێ کۆ باشە حەیا نها تە دیتیە مرۆڤ ل مالا خو ڕوینیشتی بیت و ب پیاڤه بێنە سەر مالا مرۆڤی؟ ئەرێ حەتا کەنگی دێ هوسا بیت؟ هەتا كەنگی دێ غیرەتا خوە ل پشت دولار و كوشك و تەلاران ڤەشێرین، خەلکێ کوردستانێ خەلکەکێ ڕێنجبەرە و کارێ کشتوکالی و زەڤی و زاران دکەت، میللەتێ مە میللەتەک ستەم دیتیە، میللەتەک کو حەز ژ خوەشی و ژیانەك ئارام دکەت، خەلکێ کوردستانێ پشتی کو هەموو پێکڤە خڕ بۆینەڤە وا هزر دکر، کو ئێدی هەتاهەتایی ب خوەشی دژین، بێی کو چو ئالییەك بۆ ڤی خەلکی نەخوەشییەك چێ بکەت.
هەلبەت ئەوا ئەز دزانم کو خەلکێ بیانی ژی، مینا خەلكێ عەرەبێن عیراقێ و ئێن دەروجیرانان ژی ل کۆردستانێ بونە قوربانیا ڤێ ستەمكارییێ، ڤێجا پێدڤیە و لازمە كو دویڤچوونەك بێتە کرن، چونکی ئێدی خەلک قەستا ڤێ سروشتێ جوانێ مەترسیدار ناکەن، خەلک هەست ب ماندی بونێ دکەن، خەلک نکارن دەست ژ زەڤی و زارێن خۆ بەردەن و ژیان پڕ زەحمەت بوویە ژ وان ڕە لەوما خەلەک ناچارە خوە بەت باژێڕان بەر ب باژێڕانڤە بچیت و ئەڤ چەندە ژی دبیتە ئەگەرێ هندێ کو ڕێژەیا بێ کاریێ بلند ببیت و گەنج و تولازێت وەڵات قەستا دەرڤە بکەن و دبیتە ئەگەر کو بەرهەمێ ناڤخویی ژی بێ بوها ببیت و بەرهەمێ خەلکی ب گرانی بهێت فروتن ب تایبەت ژی ئەگەر کەرتێ گەشت و گۆزاری زیان بەربكەڤیت، ئەڤە ژی دبیتە ئەگەرێ زیان و زرارەك مەزن ژ بۆ مە هەمیان، بوویە ھیڤیخوازین كێشەیێن سەرسنوری ب پەرپرسیارانە بھێنە چارەسەركرن و ھەر ئالیەك بەرژەوەندییا ھاولاتییان ل بەر چاڤ وەربگریت، ژبەركو زەرەرمەندێ ژ ھەمیان مەزنتر، خەلكێ دەڤەرێن سەر سنورییە و ئەڤ خەلكێ ھەنێ ژی، خەلكەكێ ھەژار و بێكار مایە!!