شه‌ریف ئامیدی
سەبلندیە هەر کەس دچ ئاستێ بەرپرسیارەتیێ دابیت خزمەتکارێ گەل و وەڵاتێ خو بیت.
هندەك ژ بەرپرسێن مە ئەڤ قەسە یا ژبەرکری بەلێ کارپێكرن ئانکو جێبەجێکرنا وێ قەسێ یا ژبیرکری .
گەلەك سویندا دخون بگوڕا فلانی و بسەرێ بێهڤانی
دبێژن ئەمێ دخزمەتا هاوڵاتیاندا دەرگەهێت مە دڤەکرینە بشەڤ و ڕۆژ هەردەما وە بڤێت هوین دشێن مە بینن یان بهەر ڕێکا هەبیت هوین دشێن داخازیێن خو گلە و گازندێن خو ئاریشێن خو بگەهینەمە ، چ بتێلەفونێ بیت یان بمەسجەکێ بیت یان بڕێکا نڤێسینگەهێت مە بیت ئەم دبەرهەڤین هاریکار و پشتەڤانێن وەبین ئەوا مە پێ چێبیت درێغیێ ناکەین .
بەلێ بگوڕا هەمی شەهیدا درەوا دکەن
نە بەرسڤێت تێلەفونا دەن نە ژی نامێت کەسێ دخوینن .
ئەگەر خودان کارەك (مراجعەك ) ژ ڕەگەزێ نێر چو دەف ئێکی ژوان بەرپرسا داخازا خو گەهاندە سکرتێرێ وی یان زێرەڤانێ وی !
دێ ئێك ژڤان بەرسڤا وەرگریت :
یان دێ بێژیتێ سەیدا لڤێرێ نینە .
یان یێ دکومبونێدا
یان سەیدایی کورونا یاهاتیێ نەشێت کەسێ بینیت ،
بەلێ هەکە داواکار ژ ڕەگەزێ مێ بیت ، تەڕ و تول بیت ، هەمی نەرمەبیت ، داخازا خو بگەهینیتە نڤێسینگەها مێ پەرێسەکی ، سکرتێرێ وی بزێرەڤانڤە دێ پێشڤە چن و داخازیا وێ دەملدەست دێ گەهینە سەیدای و هەر لهەوا کارێ پێ چوی دێ بو بسەرئێك ڤەئینن هەمی دەرهگەهـ بو خاتینێ دێ دڤەکری بن سەیدا ژی دێ لژورا خو بیت چ کومبون ژی نابن کوڕونا ژی لسەیدای نابیت ، کارێ وێ بدلێ وێ دێ چێبیت و چایەکا خوش ژی دێ لدەف سەیدای ڤەخوت .
بەلێ ئەگەر هات و ژنەچاری یان ژنشکەکێڤە سەیدای داواکارەك (مراجعەك ) ژ ڕەگەزێ نێر دیت دێ دەستێ خو دەتە سینگێ خو تو یێ مافداری لسەر سەروسەر چاڤێت من هاتی ئەم دخزمەتا وەداینە دێ بێژیتێ و گەلەك سوزێت بێ بنەما دێ دەتێ و بدرەوا دێ رازیکەت سەد کولاڤا ژی کەتە سەری و دێ کابرای هێلیتە هەلاویستی لهیڤیا فرویێ گای سوزەکێ ژی بجهـ نائینیت .
ئێ سەیدایێ بەرێز هەکە تو نەشێی چ بکەی یان ئەو کارێ داواکار پێ هاتیە دەف تە دەستهەلاتا تەدا نەبیت یان تە نەڤێت بو چ بکەی دێ بوچی داواکاری (مراجعی) هێلیە لسەر شەحنێ هیڤیەکێ ددلید چینی ما باشتر نابیت هەکە تو یێ راستگوبی دگەل و بێژیێ ببورە ئەز نەشێم بو تە چبکەم ئەو شولا تو پێ هاتی نە دەستهەلاتامندایە دا ئەو جامێر ژی بێ هیڤی بیت بو خو سەحکەتە رێکەکا دی .ما جوانتر نابیت سەیدایێ من ..
Comments are closed, but trackbacks and pingbacks are open.