وەزارەتا پەترۆلا عیراقێ راگەهاند، داهاتێ هناردەكرنا پەترۆلێ یێ 11 هەیڤێن ئەڤسالە زێدەتری 107 ملیار دۆلارایە و بەراورد ب هەمان ماوە یێ سالا بووری 57% زێدەبوویە.
وەزارەتا پەترۆلێ د راگەهاندنا خوە دا دیاركرییە، ل دویڤ ئامارا كۆمپانییا سۆمۆ، داهاتێ پەترۆلا خاڤ د 11 هەیڤێن ئەڤسالە دا 107 ملیار و 877 ملیۆن و 786 هزار و 336 دۆلارن، تێكرایێ هەیڤانە یێ داهاتی ژی 9 ملیار و 807 ملیۆن و 71 هزار و 485 دۆلارن.
ئاشكەرا ژی كرییە، هەیڤا گولانێ یا ئەڤسالە بلندترین داهاتێ فرۆتنا پەترۆلێ هاتییە تۆماركرن كو زێدەتری 11 ملیار دۆلارایە. بۆدجەیا عیراقێ ژی ب رێژا 96% پشتبەستنێ ل سەر فرۆتنا پەترۆلێ دكەت.
Comments are closed, but trackbacks and pingbacks are open.