ده‌سته‌یا سه‌قاناسیا ئیراقێ راگه‌هاند، ئه‌ڤرۆ شه‌مبیێ دێ پێله‌كا دژوار یا تۆزێ ب سه‌ر پارێزگه‌ها دهۆكێ دا هێت.
ده‌سته‌یا سه‌قاناسیا ئیراقێ دیاركر، ئه‌ڤرۆ شه‌مبیێ پێله‌كا دژوارا تۆزێ دێ ب سه‌ر پارێزگه‌ها دهۆكێ دا هێت، هه‌ڤده‌م ئه‌و پێل دێ 9 پارێزگه‌هێن دى ژى ڤه گریت.
هه‌روه‌سا دیار كر، هه‌ر ئێك ژ پارێزگه‌هێن دهۆك، سلێمانیێ، هه‌ولێر، كه‌ركووك، تكریت، ئه‌نبار، به‌غدا، دیاله، كه‌ربه‌لا، بابل و هنده‌ك ژ پارێزگه‌ها نه‌جه‌ف دێ كه‌ڤنه به‌ر پێلا تۆزێ.
هه‌روه‌سا دوپاتكر، ل هنده‌ك ناوچه‌یان ب تایبه‌ت ل ده‌ڤه‌رێن چیایى، دێ چپكێن بارانێ ل گه‌ل پێلا تۆزێ هێن.
حه‌فتیا بۆرى سه‌قاناسیا هه‌رێما كوردستانێ به‌حس ل هاتنا پێله‌كا دژوارا تۆزێ ل پارێزگه‌ها دهۆكێ كریه و دوپاتكریه، ئاستێ هاتنا تۆزێ دێ گه‌هیته گۆپیتكێ.
Comments are closed, but trackbacks and pingbacks are open.