ده‌سته‌یا ده‌سپكایا عیراقێ رۆژا سێشه‌مبیا ئه‌ڤرۆ ڕاگه‌هاندنه‌ك به‌ڵاڤكر و تێدا ڕاگه‌هاند: ل خالێن سنوریێن هه‌رێما كوردستانێ كه‌لوپه‌لێن خوارنێ و به‌روبومێن ده‌ره‌كی هاورده‌یی هه‌رێمێ دهێنه‌كرن و ب خۆماڵی دهێنه تۆماركرن، وه‌زاره‌تا كشتوكاڵێ عیراقێ ده‌ستهه‌ڵات بسه‌ر وان به‌روبوماندا نینه یێن كو ل هه‌رێما كوردستانێ دهێنه هاورده‌ركرن، رێژا به‌روبومێن هاورده‌كری چه‌ندین جاران زێده‌ترن ژ به‌رهه‌می خومالی و زیانه‌كا مه‌زن ب به‌رهه‌مێ ناڤخۆ دگه‌هینن.
فه‌رمانگه‌ها خۆپاراستنێ ل ده‌سته‌یا ده‌سپكایا عیراقێ د ڕاپورته‌كێدا ئاماژێ ب وێ چه‌ندێ دكه‌ت، یا گرنگه سیاسه‌ته‌كا ئێكگرتی د هاورده‌كرنا كه‌لوپه‌لێن خوارنێ و به‌روبومێن كشتوكاڵیدا هه‌بیت، داكو رێگریێ ژ روویدانا گه‌نده‌ڵیێ بكه‌ت، هه‌روه‌سا پێتڤیه به‌روبومێن كشتوكاڵی ل دویڤ رێنمایێن كشتوكاڵی بهێنه هاورده‌كرن، داكو بازار نه‌هێته پڕكرن ژ به‌رهه‌مێن هاورده‌كری و كو زیانه‌كا مه‌زن ل به‌رهه‌مێن خۆماڵی دده‌ت.
به‌حس ژ وێ چه‌ندێ ژی كر،” وه‌زاره‌تا كشتوكاڵی نه‌شێت وان به‌رهه‌مان كونتروِلِ بكه‌ت یێن كو ل سنورێن هه‌رێما كوردستانێ دهێنه هاورده‌كرن، سه‌رباری پێكئینانا لیژنه‌یه‌كێ بو پیڤانه‌كرنا شیانێن به‌رهه‌مئینانا كارگه‌هـ و كێلگه‌هێن په‌له‌وه‌ری و كێلگه‌هێن كشتوكاڵیێن هه‌رێمێ، ئاشكه‌را بوویه ئه‌و به‌روبومێن هاورده‌یی هه‌رێما كوردستانێ دهێنه‌كرن چه‌ندین جاران زێده‌ترن ژ به‌رهه‌مێ ناڤخۆ ، ئه‌ڤه ژی به‌ڵگه‌یه لسه‌ر گه‌نده‌ڵیێ ب شێوه‌یه‌كێ كو ئه‌و به‌روبومه وه‌ك به‌رهه‌مێ خوماڵی دهێته ناساندن.
Comments are closed, but trackbacks and pingbacks are open.