سازیا کۆنتڕۆڵکرن و ئینان و دروستکردنا دەرمانان ل هه‌رێمێ د تۆڕا خۆیا تایبه‌تا فه‌یسبووكی دا به‌لاڤكریه، ب هه‌ماهه‌نگی دگه‌ل پۆلیسێن باژێرڤانیا دهۆكێ و لقا سه‌ندیكا ده‌رمانسازی سه‌ره‌دانا چه‌ند ده‌رمانخانه‌یێن سنورێ باژارێ دهۆكێ كرنه و دیفچوون و لێگه‌ریانه‌ك بۆ ده‌رمانێن بێ ژێده‌ر و نه‌یاسای كرنه.
ئاشكرا ژیكر، د ڤێ لێگه‌ریانێ دا ده‌ست بسه‌ر ده‌رمانێن سێ ده‌رمانخانه‌یاندا گرتنه ب سه‌ده‌ما هه‌بوونا ده‌رمانێن نه‌یاسای و بێ ژێده‌ر” سزایێ پێبژارتن ژی بۆ وان كرنه.
گوت ژی، ل به‌شێ وان یێ یاسای سوزنامه ب وان هاتنه داگرتن بۆ دووباره‌نه‌بوون و نه‌ئینانا ده‌رمانێن نه‌یاسای و بێ ژێده‌ر.
ل داویێ ژی هایداریێ دده‌ته هه‌موو ده‌رمانسازیان (ده‌رمانخانه، كۆگه‌هێن ده‌رمانان، نه‌خۆشخانه‌یێن تایبه‌ت و كۆمپانیێن ده‌رمانان) كو خۆ دویربێخن ژ ده‌رمانێن نه‌یاسای و بێ ژێده‌ر، به‌روڤاژی وێیه‌كێ دێ رووبروویێ سزایه‌كێ دژوار و دادگه‌هكرنێ بن.
Comments are closed, but trackbacks and pingbacks are open.