دهۆک، لژنا پێشەسازیێ 15 پرۆژێن کارگەهێن نوی پەسەندکر

لژنا پێشەسازیێ 15 پرۆژێن کارگەهێن نوی پەسەندکر

زێ بادینان

ئیدرا پارێزگەها دهۆکێ ڕاگەهاند، ب سەر پەرشتیا عەلی تەتەر جڤینا لژنا پێشەسازی برێڤەچوو و تێدا پرۆژێ 15 کارگەهان هاتە پەسەندکرن.

سکرتێرێ رۆژنامەڤانیێ عەلی تەتەر پارێزگارێ دهۆکێ ڕاگەهاند، ئەڤرۆ چارشەمبێ عەلی تەتەر پارێزگارێ دهۆکێ سەرپەرشتیا جڤینا لژنا پێشەسزایکر و هەلسەنگاندن و دانوستاندن ل دوور وان کارگەهان کرن ئەوێن کو هاتینە پەسەندکرن.

ئاماژە ب وێیەکێ ژی کر، هەر ئەڤرۆ وێ لژنێ پرۆژەیێ ١٥ کارگەهێن جودا ل پارێزگەها دهۆکێ پەسەندکرن.

ئاشکراژی کر، ئەو کارگەهە پێک دهێن ژ کارگەها بەرهەمئینانا هەیکەلێن ئاسنی یێن نۆرمال و نەخشاندێ، و بەرهەم ئینانا مەعکەؤڕۆنی، بەرهەم ئینانا بەرێ پیشەسازی، چاپککرن و دروستکرنا تەلیسان، درینا هەمی جۆرێن جلوبەرگا، کارگەها بویاغێ، کارگەها ویستگەهێن چارەکرنا سیستەمێ ئاڤێ، کارگەها درۆستکرنا زەیتا زەیتونان، دروستکرنا دەرمانێن گیایی، کارگەها دوشاڤا تەماتێ، کارگەها خزمەتگۆزاریێن پیشەسازیا ترۆمبێلان و تێکەلۆکەکا ناڤەندی.

گوت ژی، ئەڤ کارگەهە دێ ژ ئالیێ سەرمایەدارێن ناڤخویی هێنە دروستکرن و ٥٧٩ کرێکار دڤان کارگەهاندا دێ کارکەن و هەر کارگەهەکێ شیانێن بەرهەمئینانا رۆژانە یێن چەند تەن و دانە و پارچەیان هەیە.