دهۆک، ڤان ئاماران بزانە

دهۆک، ڤان ئاماران بزانە

زێ بادینان :
بێوار عەبدولعەزیز پەیڤدارێ بەرەڤانیا باژاڕێ دهۆکێ ل گورەی ئامارێن جەژنێ گوت ، د ڕۆژێن جەژنێ دا ٤٦ بوویەرێن ئاگربەربوونێ هاتنە تۆمارکرن، کو ٤١ ژ وان ئاگرێ پیش و پەلەخی بوونە و چار ژی شەوتینا کۆگەهان بووینە و یەک ژی ئاگربەربوونا شوقەیەکێ بوویە کو زیانێن مادیێن وان ب نێزیکی ٢٥ ملیۆن دینارێن عێراقی هاتنە خەملاندن.

دازانین ژی، ل ڕۆژا ئێکێ جەژنێ ل زاخۆ کەسەک ژ ئالیێ تیمێن وان یێن نقومەڤان ڤە ژ خەندقینێ هاتیە ڕزگارکرن.

دەربارەی ئامارێن مەهێن دەستپێکا ئەڤسالە دگەل سالا دەربازبوویی پەیڤدارێ بەرەڤانیا باژاڕی دیارکر، کو بگشتی بوویەر ب هەڤبەرکرن دگەل سالا دەربازبوویی هەیا ڤی دەمی کێمترن.

هەروەسا گوت، ژبەر هاتنا وەرزێ هاڤینێ وان تیمێن خۆ یێن ئاگرڤەمراندنێ ل پڕانیا دەڤەرێن چاندنێ یێن جوتیاران بەلاڤکرنە ب تایبەت ل جهێن هەبوونا گەنمی و جەهی، داکو ژ هەر ئەگەرکا ئاگربەربوونێ بلەز بگەهن جهێ بوویەرێ و کۆنترۆلا ئاگری بکەن.