زێ بادینان
هێمن سلێمان پەیڤدارێ پۆلیسێن پارێزگەها دهۆکێ ڕاگەهاند، ژ ئەگەرێ تەقەکرنێ ل رۆژێن نەورۆزێ هەشت کەس هاتینە دەستەسەرکرن ، و تەقە ب چەکێ دەمانچە و کلاشینکۆف و چەکێ نێچیرێ هاتیە کرن د وان رۆژاندا .
ئەشکرا کر ژی کۆ ، ژ سەدەمێ تەقەکرنێ کەسەکێ دانعەمر ژیانا خۆ ژ دەستدا، پۆلیسێن دهۆکێ ژی ئێکسەر دەست ب ڤەکۆلین و دیڤداچوونان کر بۆ دەستەسەرکرنا وان کەسێن تەقەکەر، ب بڕیارا دادوەرێ ڤەکۆلینێ هەشت کەس هاتینە دەستەسەرکرن و ڤەکۆلین دگەلدا بەردەوامە و ل گورەی وان کەسا کو تەقەکری .
ئاماژە داهندێ کو پتریا وان کەسێن هاتینە دەستەسەرکرن ب ڕێیا ڤیدیۆیان دیاربوویە کو تەقە کریە و گوت، دیڤداچوون لدویف ١٥ کەسێن دی دهێتە کرن کو ل دەمێ تەقەکرنێ خۆ ڤیدیۆ کریە یان هاتینە ڤیدیۆکرن.
ڕاگەهاند ژی، کەسەکی ل پارێزگەها تکریت تۆهمەتەکا کوشتنێ ئەنجامدابوو و رەڤیبوو بۆ سنورێ پارێزگەها دهۆکێ، پۆلیسێن پارێزگەها دهۆکێ ب هەڤکاری دگەل ئاسایشا دهۆکێ کارینە د دەمێ ٢٤ دەمژمێراندا وی کەسی دەستەسەربکەن.
Comments are closed, but trackbacks and pingbacks are open.