دهۆک ، ئامارێن رۆژا نەورۆزێ دیارکرن

دهۆک ، ئامارێن رۆژا نەورۆزێ دیارکرن

زێ بادینان .

نیڤرۆ یا ئەڤرۆ یا رۆژا چارشەمبی ٢٤⁄٣⁄٢٠٢١، رێڤەبەریا گشتی یا ساخلەمیا پارێزگەھا دھۆکێ ئامارا رۆژانێن نەورۆزا ئەڤ سالە راگەھاند.

حەمزە رەزیکی، پەیڤدارێ رێڤەبەریا ساخلەمیا پارێزگەھا دھۆکێ، د کۆنگرەیەکێ رۆژنامەڤانی دا تەکەز ل سەر ئامارا گشتی یا کەرتێ ساخلەمیێ ل رۆژانێن نەورۆزێ دا کر و دیارکر کۆ: “ئەڤ سالە گیان ژ دەستدانا ب رۆیدانا گەلەک کێم بوویە، ھژمارەکا زۆر ژ زاروکان ب خەلەتی ڤە گازا سپی ل شوینا ئاڤێ ڤەخاریە، ھەمان دەمدا ل ھەرسێ رۆژانێن نەورۆزێ دا ٢١٢ زارۆک ل پارێزگەھا دھۆکێ ھاتینە سەر دۆنیایێ”.

پەیڤدارێ ساخلەمیێ ئەو چەندە ژی دیارکر: “٣٨ کەس ژ بەرکەفتیێن رۆیدانێن ھاتنوچوونێ مە ھەبوونە، دوو هزار ٩٠٤ کەسان ڤان سێ رۆژان سەرەدانا پشکێن تەنگاڤیان کریە، ھەمان دەمدا ٤٦٨ کەس ل نەخۆشخانا ھاتنە نڤاندن، ٩ کەس ل ڤان سێ رۆژان دا گیانێ خۆ ژدەستداینە، ٢١ زارۆکان گازا سپی ل شوینا ئاڤێ ڤەخاریە و کەسەک رۆژا ھەلکرن ئاگری ب گۆلەیێن ئاگری بریندار بوویە، ٥٥ حالەتێن سۆتنێن جۆراو جۆر ژلایێ مەڤە ھاتنە تۆمارکرن”.

گۆت ژی: “ژلایێ تیمێن ١٢٢ ڤە، ٥١٢ کەس ب رۆیدانێن جوراوجور ڤە بۆ نەخۆشخانا ھاتنە ڤەگۆھاستن و ١٥٦ سەرەدان ژلایێ تیمێن زێرەڤانیا ساخلەمیێ ڤە ھاتنە ئەنجامدان و سێ هزار و ٩٠٧ پشکنینێن پەتایا کۆرونایێ ڤان سێ رۆژێن نەورۆزێ دا ھاتنە ئەنجامدان، کۆ ٤٠٠ کەس ڤان سێ رۆژان دا تۆشبونە و ١٦٠ کەس ژی ب تەمامی چارەسەر بونە و دخازین خەلک پتر دگەل مە ھاریکار بیت”