پشتی هەلبوونا شەڕێ رۆسیا و ئۆكرانیا، پشكەكا خویندكارێن هەرێما كوردستانێ یێن ل ئۆكرانیا دخواندن ڤەگەڕیابوونە هەرێمێ، لێ نۆكە ب رێیا فڕۆكان دچنە وەلاتێن هەڤسوی، دووبارە دەست ب ڤەگەڕیانێ بۆ دەڤەرێن تەنایێن وی ئۆكرانیا كرینە.
ئێك ژ خویندكارێن ڤەگەڕیایە ئۆكرانیا د پەیڤەكا رۆژنامەڤانی دا راگەهاند: ل رۆژهەلاتێ ئۆكرانیا شەڕ بەردەوامە، لێ ل ناڤەڕاست و رۆژئاڤایێ وی وەلاتی، هەرچەندە ژیان ب تمامی ئاسایی نەبوویە و بهایێ ئاهێن خوارنێ و سووتەمەنییان گەلەك گران بوویە، لێ تەناهییەكا رێژەیی ل وان دەڤەران هەیە.
ل دۆر چەوانییا خواندنێ ژی ل ئۆكرانیا، وی خویندكاری گۆت: ژ بەركو هێشتا ترسا هێرشان هەیە، پرۆسا خواندنێ ل ناڤ هۆلان دەست پێ نەكریە، لێ نۆكە خواندنا وانەیان ب رێیا ئۆنلاین بەردەوامە.
Comments are closed, but trackbacks and pingbacks are open.