وه‌زاره‌تا ساخله‌میێ چه‌ندین پێشنیار به‌رهه‌ڤكرینه بۆ كه‌سێن به‌رهه‌ڤنینه ڤاكسینا دژی كۆرۆنایێ بكاربینن و ئێك ژوان پێشنیاران ئه‌ڤه مووچێ مامۆستایان بهێته راگرتن، به‌رپرسه‌كێ ئێكه‌تیا مامۆستایانژی دبێژیت: وه‌زاره‌تا ساخله‌میێ ده‌ستهه‌لات نینه بۆر اگرتنا مووچێ مامۆستایان و هه‌تا نوكه ژی بتنێ نیڤا مامۆستایان ڤاكسین وه‌رگرتیه دووماهیا ڤێ هه‌یڤێ دوماهی ژڤانێ مامۆستایانه بۆ وه‌رگرتنا ڤاكسینێ.
عه‌تا ئه‌حمه‌د، جێگرێ سه‌رۆكێ ئێكه‌تیا مامۆستایێن كوردستانێ بۆ رۆژناما ئه‌ڤرۆ دیاركركو ژبلی وه‌زاره‌تا په‌روه‌ردێ دشێت رێك وجهێن پێدڤی بگریته به‌ر هه‌مبه‌ر هه‌ر مامۆستایه‌كی، به‌لێ چو وه‌زاره‌ت و كه‌سه‌ك نه‌شێت مووچێ مامۆستا رابگریت، چونكه پێدانا مووچه‌ی ب قانوون هاتیه رێكخستن و گوره‌ی قانوونێ مووچه بۆ هه‌ر فه‌رمانبه‌ره‌كێ حوكمه‌تێ دهێته‌كرن، مامۆستا ژی وه‌كی هه‌موو فه‌رمانبه‌رێن دی یێن حوكمه‌تێ ب قانوون هاتینه دامه‌زراندن و وه‌زاره‌تا ساخله‌میێ ده‌ستهه‌لات نینه ده‌ستوه‌ردانێ بكه‌ت بۆر اگرتنا مووچێ مامۆستایان، هیڤیدارین چو بڕیارێن وه‌سا نه‌هێنه بجه ئینان به‌رۆڤاژی دێ ئێكه‌تیا مامۆستایان هه‌لویستێ خۆ هه‌بیت، به‌لێ هه‌ر ده‌ستپێكێ مه مامۆستا هانداینه وه‌ك ته‌خه‌كا گرنگ و كاریگه‌را ناڤا جڤاكێ بۆ ڤێ چه‌ندێ رێنمایێن خۆپارێزیێ دژی ڤایرۆسا كۆرۆنایێ بجه بینن و ڤاكسینێ بكار بینن، نه‌ك تنێ مامۆستا زۆرن ئه‌و خه‌لك و فه‌رمانبه‌رێن بهه‌ر شێوه‌یه‌كێ هه‌بیت باوه‌ری ب ڤاكسینێ نینه، یان ژی خه‌مساربووینه و هه‌تا ڤاكسین وه‌رنه‌گرتیه، دڤێت وه‌زاره‌تا په‌روه‌ردێ رێكارێن پێدڤی بگریته به‌ر هه‌مبه‌ر دانانا ڤاكسینێ ژلایێ مامۆستایان ڤه، به‌رۆڤاژی هه‌ر گڤاشتنه‌كادی ئه‌م ره‌تدكه‌ین هه‌مبه‌ری مامۆستایان هه‌بیت.
ره‌هێل فه‌ره‌یدوون، بریكارێ وه‌زاره‌تا ساخله‌میێ دداخویانیه‌كێ دا راگه‌هاند كو دووماهی ژڤان بۆ مامۆستایان هه‌تا دوماهیا ئه‌ڤێ هه‌یڤێ یه و هه‌ر مامۆستایه‌كێ ڤاكسین وه‌رنه‌گرتبیت ئه‌ڤه دێ رێو جهێن پێدڤی هه‌مبه‌ر هێنه وه‌رگرتن بگه‌هیته ئاستێ راگرتنا مووچێ هه‌ر مامۆستایه‌كێ ئه‌گه‌ر بهێت و ڤاكسینێ نه‌دانیت، هه‌ر فه‌رمانبه‌ر و مامۆستایه‌كێ به‌رهه‌ڤ نه‌بیت بۆ وه‌رگرتنا ڤاكسینێ ئه‌ڤه مه پێشنیاركریه، یان پێدڤیه هه‌موو حه‌فتیه‌كێ پشكنینا پی سی ئاڕ بكه‌ت یانژی مووچێ وی بهێته راگرتن، ژبۆی پاراستنا وه‌لاتیان ئه‌م نه‌چارین بكارئینانا ڤاكسینێ بكه‌ینه نه‌چاری، ژبلی وه‌زاره‌تا ساخله‌میێ دڤێت وه‌زاره‌تێن دیژی هاریكاربن دگه‌ل ساخله‌میێ بۆ بجه ئینانا رێوجهێن پێدڤی بۆ دانانا ڤاكسینێ، بدیتنامه دانانا ڤاكسینێ دێ بیته ئه‌گه‌رێ ئاسایی كرنا ره‌وشا كۆرۆنایێ و به‌رۆڤاژی رێژه‌یه‌كا زۆرا وه‌لاتیان ڤاكسینێ وه‌رنه‌گرن دێ ره‌وش به‌ره‌ف خراپتر بچیت.
ئبه‌رپرسێ ئێكه‌تیا مامۆستایان گۆتژی: ل هه‌رێما كوردستانێ هزار مامۆستا هه‌نه و دگه‌ل فه‌رمانبه‌رێن په‌روه‌ردێ هژمارا وان دگه‌هیته هزار كه‌سان، هه‌تا نوكه ل گوره‌ی زانیاریێن به‌رده‌ستێ مه هێشتا نیڤا مامۆستا ڤاكسینا دژی كۆرۆنایێ وه‌رگرتیه و نیڤادی هێشتا وه‌رنه‌گرتیه، ئه‌م وه‌كی ئێكه‌تیا مامۆستایان داخوازێ ل هه‌موو مامۆستایان دكه‌ین سه‌ره‌دانا بنگه‌هێن تایبه‌ت ب ڤاكسینێ بكه‌ن و به‌ری ژڤانێ ڤاكسینێ بۆ مامۆستایان دووماهی بهێت ڤاكسینێ وه‌ر بگرن، چونكه دێ بیته ئه‌گه‌رێ پاراستنا وان و قوتابیان، كۆرۆنا مه‌ترسیه‌كا مه‌زنه ل سه‌ر ژیانا هه‌موو جڤاكی ئه‌م داخوازێ ل هه‌موو مامۆستایان دكه‌ین بێی دو دلی ڤاكسینێ بكاربینن، ب تایبه‌تی به‌حسێ هاتنا پێله‌كادیا كۆرۆنایێ دهێته‌كرن، ناڤه‌ندێن خواندنێ دڤێت د پاراستی بن و هه‌موو شیانێن خۆ دێ مه‌زێخین و هاریكاربین دگه‌ل مامۆستایان بۆ وه‌رگرتنا ڤاكسینێ، چونكه ڤاكسین بابه‌ته‌كێ زانستیه و هه‌ر مامۆستایه‌كێ هه‌تا نوكه ب هه‌ر ئه‌گه‌ره‌كێ ڤاكسین وه‌رنه‌گرتیه بلا ڤاكسینێ وه‌ر بگریت و به‌رژه‌وه‌ندیا خۆ به‌رژه‌وه‌ندیا گشتی به‌رچاف بگریت، ژبلی ڤاكسینێ هه‌موو رێنمایێن خۆپارێزیێ ژی ل قوتابخانان بهێنه بجه ئینان پێخه‌مه‌ت به‌رده‌وامیدان ب پڕۆسا خواندنێ و ده‌ربازكرنا ره‌وشا نوكه ئه‌م تێداینه.
Comments are closed, but trackbacks and pingbacks are open.