بنگەهێ نەهێلانا ماددێن بێهوشکەر ل سوران د راگەهاندنەکێ دا دیارکریە، وان دوو کەس دەستەسەرکرینە کو تومەتبارن ب بەلاڤکرن و بکارئینانا ماددێن بێهوشکەر و ماددێ بێهوشکەر ژی دگەل وان دا هاتیە گرتن.
د راگەهاندنێ دا هاتیە، د بەردەوامیا کار و چالاکیێن بنگەهێ نەهێلانا ماددێن بێهوشکەردا، ل رێککەفتی 4-3-2022 هێزێن بنگەهێ نەهێلانا ماددێن بێهوشکەر ل سوران شیان ل گۆرەی ماددێ 25 ژ یاسا ماددێ بێهوشکەران ل باژێرکێ خەلیفان، دوو کەسان دەستەسەر بکەن کو دەست هەبوو د بەلاڤکرن و بکارئینانا ماددێن بێهوشکەردا.
ئاماژەکریە، دگەل دەستەسەرکرنا وان تومەتباران، دەست ب سەر 90 گرامێن ماددێ بێهوشکەر ژ جوورێ هێرویین و 35 گرامێن شیشە، 10 گرام حەشیش، هندەک ژ جورێ تریاک و 22 حەبێن ماددێ بیهوشکەر، 7 پارچێن ئەلەمنیومی کو هاتبوونە ئامادەکرن بو بکارئینانا ماددێ بێهوشکەر کو ئەو ماددە ل سەربوو، هندەک ژ کەلوپەلێن دی ژی یێن بکارئینانا ماددێن بێهوشکەر و ئێک تەرازیا دیجیتال دا گرتینە.
دیارکریە، ل گۆرەی ماددێ 25 ژ یاسا ماددێن بێهوشکەر پەڕین ڤەکۆلینێ بۆ تومەتباران هاتینە ڤەکرن و هاتینە رەوانەکرن بۆ بەرامبەر دادوەرێ ڤەکۆلینێ.
Comments are closed, but trackbacks and pingbacks are open.